އިނގިރޭސި ވިލާތުގެ ވެރިރަށް ލަންޑަނުގައި ހުންނަ ބޮލީވުޑްގެ ތަރި ޝާހްރުކް ޚާންގެ އަގުބޮޑު ގޭގެ ވީޑިއޯއެއް އިންޓަނެޓުގައި ދައުރުވަމުން އެބަދެ އެވެ.

ވްލޮގާ އެކައުންޓަކުން އިންސްޓަގްރާމްގައި ހިއްސާކޮށްފައިވާ އެ ވީޑިއޯގައި އެ ގޭގެ އެތެރެ ނުފެނުނަސް ގޭގެ އެޑްރެސް ފެންނަ ގޮތަށް މުޅި ސަރަހައްދުގެ މަންޒަރެއް ދައްކުވައިދެ އެވެ.

ލަންޑަންގެ އެންމެ އަގުބޮޑު އެއް ސަރަހައްދުގައި ހުންނަ އެ ގޭގެ އެޑްރެސްގެ ގޮތުގައި "117" ޖަހާފައިވާއިރު، ގޭގެ ބޭރުގައި އަގުބޮޑު ކާރުތައް ޕާކު ކޮށްފައި ހުރި މަންޒަރު ވީޑިއޯއިން ފެނެ އެވެ. އެ ގޭގެ އެޑްރެހަކީ "117" ޕާކްލޭން ލަންޑަން، އެވެ. އަދި އެ ގޭގެ ޕޯސްޓަލް ކޯޑު ވެސް ޖަހާފައިވެ އެވެ.

https://www.instagram.com/reel/DA3BTo0O15e/?utm_source=ig_embed&ig_rid=f85e17b9-e809-46b5-b6fa-ad48873bf6af

އެއާއެކު ޝާހްރުކް ޚާންގެ އެ ގޭގެ ޖުމްލަ މަންޒަރު ފެނިގެންދަނީ ވަރަށް ޝާހީ، އަގުބޮޑު ގެއެއްގެ ގޮތުގައި ކަމަށް ހަބަރުތައް ބުނެ އެވެ.

ރިޕޯޓުތައް ބުނާ ގޮތުގައި 2009 ވަނަ އަހަރު ޝާހްރުކް ޚާން ލަންޑަނުން އެ ގެ ގަތީ 20 މިލިއަން ޑޮލަރުގެ އަގަކަށެވެ. އެއީ އިންޑިއާއިން ބޭރުގައި ގެއެއް ގަތުމަށް ބޮލީވުޑްގެ ތަރިއަކު ދެއްކި އެންމެ ބޮޑު އަގެވެ.

ޝާހްރުކް ޚާންއާއި އޭނާގެ އަންހެނުންގެ މިލްކިއްޔާތުގައި މިގޭގެ އިތުރުން ވެސް ގިނަ ގެތަކެއްވެ އެވެ. އެގޮތުން މުމްބާއީގައި ހުންނަ ސީ ފޭސިން "މަންނަތު"އާއި ހަމަ އެ ސިޓީގައި ހުންނަ "ޖަންނަތު" ފާހަގަކޮށްލެވެ އެވެ.