މާލޭގެ ކެފޭއެއްގެ ތެރޭގައި އިން މީހަކު ކުއްލިގޮތަކަށް މަރުވެއްޖެ އެވެ.

ފުލުހުން ބުނީ މަރުވީ މ. މޫންޑްރޮޕްސް، އަހްމަދު ޝަރީފް،58 ކަމަށެވެ.

މާފަންނު ކެފޭއެއްގައި އިންދައި ހަބަރު ހުސްވެގެން އޭނާ ހޮސްޕިޓަލަށް ގެންދިޔައީ މިރޭ 10:15 ހާއިރު އެވެ.

މިކަމާ ގުޅޭ އިތުރު ތަފްސީލެއް އަދި ނުލިބެ އެވެ.

ފާއިތުވި މަހެއްހާ ދުވަހު ގޮތްނޭނގޭ ގޮތަށް މަރުވި އިތުރު ފަސް މަރުގެ މައްސަލައެއް ރާއްޖޭގައި ފެންމަތިވެފައިވެ އެވެ.

ފުލުހުން އަންނަނީ އެ ހުރިހާ މައްސަލަތަކެއް ވެސް ތަހުގީގު ކުރަމުންނެވެ.