ފައިސާއަށް ހަށިވިއްކި ދެ މީހަކު ގދ. ތިނަދޫން ހައްޔަރުކޮށްފި އެވެ.
ފުލުހުން ބުނީ ތިނަދޫގައި ފައިސާއަށް ހަށިވިއްކާ ކަމަށް ލިބުނު މައުލޫމާތަކާ ގުޅިގެން ރޭ 23:30 ހާއިރު ހިންގި އޮޕަރޭޝަނެއްގައި އެރަށު ގެއެއް ބަލައިފާސްކޮށްފައިވާ ކަމަށެވެ.
އެ މައްސަލައާ ގުޅިގެން 52 އަހަރުގެ ދިވެހި ފިރިހެނަކާއި 39 އަހަރުގެ ތައިލޭންޑްގެ އަންހެނެއް ހައްޔަރުކޮށްފައިވާ ކަމަށް ފުލުހުން ބުންޏެވެ.
އެ ދެ މީހުން ވެސް ހައްޔަރުކޮށްފައި ވަނީ ބަދުއަޚްލާގީ އަމަލު ހިންގަމުންދަނިކޮށް ކުށުގެ ވެށިން ކަމަށް ފުލުހުން ބުންޏެވެ.
އެ ދެ މީހުންގެ ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން ފިރިހެން މީހާ ކަފާލާތުގެ ދަށުން ވަނީ ދޫކޮށްލާފައި ކަމަށް ވެސް ފުލުހުން ބުންޏެވެ. އަދި އަންހެން މީހާ ހަތަރު ދުވަހަށް ބަންދުގައި ބަހައްޓަން ވަނީ އަމުރުކޮށްފައެވެ.
ފުލުހުން އަންނަނީ މި މައްސަލަ ތަހުގީގު ކުރަމުންނެވެ.
ހައިވޭގައި އެކްސިޑެންޓެއް ހިނގައި ކޮނޑުހުޅު ނެއްޓިއްޖެ
ލަންކާގެ އެއާޕޯޓްގައި ގިނަ އަދަދެއްގެ ދިވެހީން ތާށިވެއްޖެ
ރާއްޖެއިން ލަންކާއަށް 50،000 ޑޮލަރާއި މަސްދަޅު ހަދިޔާކުރަނީ
