ވ. އަތޮޅުގެ ރިސޯޓެއްގައި ކުއްޖަކު ވިހެއިފަހުން މަރުވި މައްސަލައެއްގައި މީހަކު ހައްޔަރުކޮށްފި އެވެ.

ފުލުހުން ބުނީ ވ. އަތޮޅުގެ ރިސޯޓެއްގައި 27 އަހަރުގެ އަންހެނަކު ބަލިވެ އިނދެ ބައިގެން ގޮސް ކުއްޖާ މަރުވި މައްސަލައެއް މިއަދު ހެނދުނު 10:00 ގައި ހުށަހެޅިފައިވާ ކަމަށެވެ.

އެ މައްސަލައާ ގުޅިގެން މީހަކު ހައްޔަރުކޮށްފައިވާ ކަމަށް ފުލުހުން ބުންޏެވެ.

ފުލުހުން ބުނީ އެ މައްސަލައިގެ އިތުރު މައުލޫމާތު ފަހުން ހާމަކުރާނެ ކަމަށެވެ.

އެނގިފައިވާގޮތުގައި އެ ކުއްޖާ މަރުވެފައި އޮތްކަން އެނގުނީ ކުނިވަސް ދުވާތީ ޑަސްބިން ބެލިބެލުމުންނެވެ.