"ހުރިހާ"އިން މި ރޯދަ މަހު ގެނެސްދޭ ރޯދައިގެ ސުވާލާއި ޖަވާބު ސެގްމެންޓަކީ ރަމަޟާން މަހުގެ އަޅުކަމާ ގުޅުވައިގެން އުފެދޭ ބައެއް އާއްމު ސުވާލުތަކަށް ޖަވާބު ހޯދައިދިނުމެވެ. މި ސެގްމެންޓްގައި ގެނެސްދޭ ސުވާލުތަކާއި އޭގެ ޖަވާބުތަކަކީ ދީނީ އިލްމުވެރިއެއް ކަމަށްވާ އާސިމް އަލް ހަކީމް ގެ ދީނީ ދަރުސްތަކުންނާއި ވީޑިއޯތަކުން ނަގާފައިވާ މައުލޫމާތެވެ.

ހަކުރު ބައްޔަކީ އަހަރުމެން ދިވެހިންގެ މެދުގައި އާއްމު ބައްޔަކަށްވާއިރު އެ ބަލި ތަހައްމަލުކުރާ ގިނަ މީހުންގެ ފަރުވާއަކީ ދުވާލުގެ އެކި ވަގުތުތަކުގައި އިންސިއުލިން ޖެހުމެވެ.

ސުވާލު: ރޯދައަށްހުރެ އިންސިއުލިން ޖެހުމުން ރޯދަ ގެއްލޭނެތަ؟

ޖަވާބު: އިންސިއުލަންއަކީ ހަށިގަނޑަށް ހަކަތަ ލިއްބައިދޭ މާއްދާއެއް ނޫނެވެ. އެއީ ހަށިގަނޑުގައި ހުރި ހަކުރުގެ މިންވަރު ކޮންޓްރޯލް ކޮށްދޭ ހޯމޯން އެކެވެ.

އެހެން ކަމުން ރޯދައަށްހުރެ ދުވާލު ގަޑީގައި އިންސިއުލިން ޖެހި ނަމަވެސް އެކަމުން އެމީހެއްގެ ރޯދައަކަށް އެއްވެސް އަސަރެއް ނުކުރާނެ އެވެ.

ޖަވާބު ދެއްވީ: ޝައިހް އައްސީމް އަލް ހަކީމް