ބޮލީވުޑްގެ މަޝްހޫރު ސުޕަރސްޓާރު ސަލްމާން ޚާން އުމުރުން 60 އަހަރުގައިވެސް އޭނާގެ ވަރުގަދަ ފިޓް ހަށިގަނޑު ދައްކާލައި، ސޯޝަލް މީޑިއާގައި އާންމުކުރި ފޮޓޯތަކަކާއެކު ލިޔެފައިވާ "ރަމްޒީ" މެސެޖެއްގެ ސަބަބުން ސަޕޯޓަރުންގެ ބޮޑު ސަމާލުކަމެއް އަނެއްކާވެސް ވަނީ ހޯދާފަ އެވެ.

ޖިމްގައި ކަސްރަތުކުރުމުގެ ތެރޭގައި ނަގާފައިވާ މި ފޮޓޯތަކުގައި ސަލްމާން ފެންނަނީ ވަރަށް ބޮޑަށް ހަށިގަނޑު ފިޓްކޮށް، "ސިކްސް ޕެކް" އެބްސް ދައްކާލައިގެން ހުންނަ ތަނެވެ. ނަމަވެސް، ފޮޓޯއަށްވުރެ ބޮޑަށް ގިނަ ބައެއްގެ ސަމާލުކަން އަތުލީ އޭނާ ލިޔެފައިވާ ކެޕްޝަނެވެ.

ސަލްމާން ލިޔުނު މެސެޖަކީ ކޮބާ؟

ފޮޓޯއާއެކު ސަލްމާން ލިޔެފައިވަނީ "ބިރުގަނެފި މީހެއްގެ ދުވަސް ހިނގައްޖެ އެވެ. (Joe darr gaya vo mar gaya)" މިހެންނެވެ.

މީގެ ކުޑަދުވަސްކޮޅެއް ކުރިން، އިންޑިއާގައި ކުދިންގެ އިމްތިހާނު ކޭސްތަކުގެ ކަރުދާސް ލީކުވުމާ ގުޅިގެން ދަރިވަރުން ކުރިއަށްގެ ންދިޔަ އިހުތިޖާޖުތަކަށް ތާއީދުކޮށް ސަލްމާން ވާހަކަ ދެއްކި އެވެ.

ނަމަވެސް، ބައެއް ފާޑުކިޔާ މީހުންނާއި ސޯޝަލް މީޑިއާ ބޭނުންކުރާ ބައެއް ފަރާތްތަކުން ތުހުމަތުކުރީ ސަލްމާން އެކަމާ މެދު ވާހަކަ ދެއްކީ "ބިރުން" ކަމަށެވެ. މީޑިއާ ރިޕޯޓްތައް ބުނާ ގޮތުގައި، ސަލްމާންގެ މި އާ އިންސްޓަގްރާމް ޕޯސްޓަކީ އޭނާއަށް ފާޑުކީ މީހުންނަށް ދިން ސީދާ ރައްދެކެވެ.

މި ފޮޓޯތަކާއި މެސެޖު އާންމުވުމާއެކު ސަލްމާންގެ ސަޕޯޓަރުން ވަނީ ސޯޝަލް މީޑިއާގައި އޭނާއަށް ވަރަށް ބޮޑަށް ތައުރީފު ކޮށްފަ އެވެ. އުމުރުން 60 އަހަރުގައިވެސް އޭނާ ހަށިގަނޑު ބަހައްޓާފައިވާ ފިޓްނަސްއަށް ގިނަ ބަޔަކު ސާބަސް ދިންއިރު، ސަލްމާނަކީ ކޮންމެ ފަދަ ފާޑުކިޔުމަކާވެސް ޖެހިލުންނުވެ ކުރިމަތިލާނެ މީހެއްކަން މި މެސެޖުން ސާފުވާކަމަށް ސަޕޯޓަރުން ސިފަކުރި އެވެ.

ފިލްމީ މަސައްކަތްތަކަށް ބަލާއިރު ސަލްމާން ދެން އެންމެ އަވަހަށް ފެނިގެން ދާނީ އޭނާގެ ކުރިއަށް އޮތް ފިލްމު "މާތުރޫބޫމީ" އިންނެވެ.