މި އަހަރު "މިމީ" އާއި "ރޫހީ" ގެނެސްދިން ޕްރޮޑިއުސަރު ދިނޭޝް ވިޖަންގެ މެޑޮކްސް ފިލްމްސް އާއި ބުޝަން ކުމާރުގެ ޓީ ސީރީޒް ގުޅިގެން ހަދާފައިވާ ލޯބީގެ ފިލްމު "ޝިއްދަތު" އަންނަ މަހުގެ އެއްވަނަ ދުވަހު ރިލީޒްކުރަން ނިންމައިފި އެވެ.

ރީތި ފިލްމުތަކެއް ގެނެސްދީފައިވާ ޑައިރެކްޓަރު ކުނާލް ދޭޝްމުކްގެ އާ ފިލްމު "ޝިއްދަތު" ރިލީޒް ކުރުމަށް ނިންމާފައި ވަނީ ޑިޒްނީ ޕްލަސް ހޮސްޓާއިންނެވެ.

"ޝިއްދަތު" ރިލީޒްކުރަން ތައްޔާރުވަމުން އަންނަ އެ ފިލްމުގެ ޕްރޮމޯޝަންގެ ތެރެއިން މިހާރު ވަނީ ޕޯސްޓަރުތަކެއް ވެސް އާންމުކޮށްފަ އެވެ.

ފިލްމުގެ ޓްރެއިލާ ވެސް މި މަހުގެ 13 ވަނަ ދުވަހު ރިލީޒްކުރަން ނިންމާފައިވާއިރު "ޝިއްދަތު" އިން ފެންނާނީ ވިކީ ކޯޝަލްގެ ކޮއްކޮ ސަނީ ކޯޝަލް އާއި ރާދިކާ މަދަން އާއި ޑަޔާނާ ޕެންޓީގެ އިތުރުން މޯހިތު ރައިނާ އެވެ.

https://www.instagram.com/p/CTmK45dst0y/

"ޖަންނަތް" އާއި "ތުމް މިލޭ" ފަދަ މަޝްހޫރުވި ފިލްމުތައް ކުރިން ކުނާލް ގެނެސްދީފައިވާ އިރު ބެލުންތެރިން އުންމީދު ކުރަނީ "ޝިއްދަތު" ވެސް އެހާމެ ރީތިވާނެ ކަމަށެވެ.