2017 ވަނަ އަހަރުގެ ރީތީގެ ރާނީގެ މަގާމު ހޯދާފައިވާ މަނޫޝީ ޗިއްލަރު ޗުއްޓީ ހޭދަކުރުމަށް ރާއްޖެ އަތުވެއްޖެ އެވެ.

މީގެ ދެ ދުވަސް ކުރިން ޗުއްޓީ ހޭދަ ކުރުމަށް މަނޫޝީ ރާއްޖެ އައިސްފައިވަނީ އޭނާގެ ދައްތައާއި ކޮއްކޮ އަދި ޅިޔަނާއެކު އެވެ.

މަނޫޝީ ޗުއްޓީ ހޭދަކުރަނީ ރ. އަތޮޅުގައި ހިންގާ އިންޓަކޮންޓިނެންޓަލް މޯލްޑިވްސް މާމުނަގައުގަ އެވެ. މިއީ މިދިޔަ އަހަރުގެ ޑިސެމްބަރު މަހު ވެސް އޭނާ ރާއްޖޭގައި ޗުއްޓީ ހޭދަކުރި ރިސޯޓެވެ.

https://www.instagram.com/p/CWAahb5JTwV/

މަނޫޝީ ދަނީ ރާއްޖޭގެ ހިތްގައިމު މަންޒަރުތައް ފެންނަ ފޮޓޯތައް އޭނާގެ އިންސްޓަގުރާމުގައި ހިއްސާކޮށްފައިވާއިރު އެޕޮޓޯތަކަށް ގިނަ ބަޔަކުގެ ސަމާލުކަން ވަނީ ލިބިގެން ގޮސްފަ އެވެ.

https://www.instagram.com/p/CWBc9OZNGKf/

މަނޫޝީއަށް މިސް ވޯލްޑުގެ ލަގަބު ލިބުނީ 2017 ވަނަ އަހަރު ބޭއްވި 67 ވަނަ މިސް ވޯލްޑުގަ އެވެ.

އޭނާ މިހާރު ތައްޔާރުވަމުންދަނީ ޔަޝްރާޖް ފިލްމްސްގެ "ޕްރިތުވީރާޖް" އިން އަކްޝޭ ކުމާރާ އެކު ބޮލީވުޑަށް ނުކުތުމަށެވެ. މިދިޔަ އަހަރު އިއުލާން ކުރި މި ފިލްމަކީ ތާރީހީ ހަނގުރާމަ ދައްކުވައިދޭ ފިލްމެކެވެ.

"ޕްރިތްވިރާޖް" ގެ ޝޫޓިން ދާދި ފަހުން ނިންމާލާފައިވާ އިރު، އަންނަ އަހަރުގެ ޖެނުއަރީގައި އެ ފިލްމު ރިލީޒް ކުރާނެ އެވެ.