ލޯބީގެ ގޮތުން ގުޅިގެން އުޅޭ ބޮލީވުޑްގެ ދެ ތަރިން ކަމަށްވާ އަރުޖުން ކަޕޫރާއި މަލައިކާ އަރޯރާ ރާއްޖެއަށް ޗުއްޓީ ހޭދަކުރުމަށް އަތުވެއްޖެ އެވެ.

މި ދެ ތަރިން ޗުއްޓީ ހޭދަކުރަމުން ދަނީ ޕަޓީނާ މޯލްޑިވްސް ފަރި އައިލެންޑްސް ގައެވެ.

އަގުބޮޑު ލަގްޒަރީ ހޮޓަލެއްގައި ދެ ތަރިން ޗުއްޓީ ހޭދަކުރަމުން އަންނައިރު މި ޗުއްޓީގެ މަންޒަރުތައް ދެ ތަރިން ވެސް ދަނީ ސޯޝަލް މީޑިއާގައި ހިއްސާ ކުރަމުންނެވެ.

https://www.instagram.com/p/CXA-wMPBMtb/

މަލައިކާ އާއި އަރުޖުން ލޯބީގެ ގޮތުން ގުޅިގެން އުޅޭކަން އިއުލާން ކޮށްފައިވާއިރު ދެތަރިންގެ އުމުރުގެ ތަފާތުގެ ސަބަބުން އަބަދުވެސް މީޑިއާގެ ފާޑުކިއުންތަށް އަމާޒުވެ އެވެ.

މީޑިއާ ރިޕޯޓްތައް ބުނާ ގޮތުގައި މަލައިކާ އާއި އަރްބާޒް ހާންގެ ކައިވެނި 17 އަހަރަށްފަހު ރޫޅާލާފައިވަނީ ވެސް އަރުޖުނަށްޓަކަ އެވެ.

އަރުޖުން އަކީ މަލައިކާއަށް ވުރެ 12 އަހަރު ހަގު މީހެކެވެ.

ކޮވިޑަށް ފަހު ރާއްޖޭގެ ބޯޑަރު ހުޅުވާލުމާއެކު އިންޑިއާގެ ފިލްމީ ތަރިން ރާއްޖޭގައި ވަރަށް ގިނައިން ޗުއްޓީ ހޭދަކުރުމަށް އައިސްފައިވެ އެވެ.