ފާއިތުވި 24 ގަޑިއިރުގެ ތެރޭގައި ޓެސްޓްކުރި 1،215 ސާމްޕަލުން ކޮވިޑަށް ޕޮޒިޓިވްވީ 42 މީހުން ކަމަށް އެޗްޕީއޭއިން ބުނެފި އެވެ.

އެޗްޕީއޭ އިން ބުނިގޮތުގައި މިއަދު ޕޮޒިޓިވްވި މީހުންގެ ތެރޭގައި ހިމެނެނީ 28 ދިވެހީންނާއި 14 ބިދޭސީންނެވެ.

މިއަދު ޕޮޒިޓިވްވި މީހުންގެ ތެރެއިން 32 މީހުންނަކީ މާލެއިން ޕޮޒިޓިވްވި މީހުންނެވެ. ބާކީ 10 މީހުންނަކީ ރަށްރަށާއި ރިސޯޓުތަކުން ޕޮޒިޓިވްވި މީހުންން ކަމަށް ވެސް އެޗްޕީއޭ އިން ބުންޏެވެ.

ކޮވިޑްގެ އެކްޓިވް ކޭސްތަކުގެ އަދަދަކީ 843 އެވެ. މިހާތަނަށް 11،262 މީހުން އެބަލިން ރަނގަޅުވެފައިވާއިރު، އެ ބަލީގައި މަރުވެފައި ވަނީ 42 މީހެކެވެ.

ފާއިތުވި ނުވަ ދުވަސް ތެރޭގައި ރާއްޖެއިން ވަނީ ހަތަރު މީހަކު ކޮވިޑް ޖެހިގެން މަރުވެފަ އެވެ.