އިމާމަކާއި ފުލުހަކަށް ހަމަލާ ދިން މީހާގެ ވަނަވަރު ހާމަކޮށްފި
މަތިވެރީގެ ހާލުފޮޅީގެ ޑިޒައިން ތަފާތުވެފައި ރަހަ ވަރަށް މީރު
ދަރިން ނޫން އެހެން އެއްވެސް ކަމެއް މުހިއްމެއް ނޫން: އެންޖެލީނާ
މިއަހަރު ވެސް ކާމިޔާބު ތަފާތު ހިންދީ ފިލްމުތައް ބެލުންތެރިންނާ ހިސާބަށް ވަނީ އައިސްފަ އެވެ. އެގޮތުން ކުރިއަށް އޮތް ޖުލައި މަހަކީވެސް ފިލްމުތަކަށް ލޯބިކުރާ ފަރާތްތައް ދިގު އިންތިޒާރެއް ކުރި ފިލްމުތަކެއް ސިނަމާގައި އަޅުވާނެ މަހެކެވެ. އެގޮތުން ޖުލައި މަހު ނިކުންނަ ބައެއް ފިލްމުތަކަށް ބަލައިލާނެމެވެ.
އޯމް - ދަ ބެޓްލް ވިތު އިން
ޖުލައި މަހުގެ ފުރަތަމަ ދުވަހު ރިލީޒް ކުރުމަށް ހަމަޖެހިފައިވަނީ ފިލްމަކީ "އޯމް- ދަ ބެޓްލް ވިތު އިން" އެވެ. މިއީ އަދިތްޔާ ރޯއި ކަޕޫރު ލީޑްރޯލުން ފެނިގެންދާ ފިލްމެކެވެ. ކަޕިލް ވަރުމާ ޑައިރެކްޓްކުރާ މިފިލްމަކީ މީގެ ކުރިން އަދިތްޔާގެ ނުފެންނަ ވަރުގެ އެކްޝަން ސީންތަކެއް ފެނިގެންދާ ފިލްމެކެވެ.
ހުދާ ހާފިޒް ޗެޕްޓަ 2
މިއީ ފާރޫކް ކަބީރު 2020 ވަނަ އަހަރު ރިލީޒްކުރި ފިލްމު "ހުދާ ހާފިޒް" ގެ ސީކުއެލްއެކެވެ. އަންނަ މަހުގެ އަށް ވަނަ ދުވަހު ރިލީޒްކުރާ މިފިލްމުގައި ފެނިގެންދާނީ ވިދިއުތު ޖަމްވާލް އާއި ޝިވަލީކާ އޮބެރޯއީ އެވެ.
ޝަބާޝް މީތޫ
އަންހެން ކްރިކެޓް ކުޅުންތެރިޔާ މިތާލީ ރާޖް އާއި ބެހޭ ގޮތުން ތައްޔާރުކޮށްފައިވާ ބަޔޯޕިކް ރިލީޒް ކުރުމަށް ހަމަޖެހިފައިވަނީ ޖުލައި މަހުގެ 15 ދުވަހު އެވެ. މިފިލްމުގައި ލީޑް ރޯލުން ފެނިގެންދާނީ ކުޅަދާނަ ބަތަލާ ތާޕްސީ ޕަންނޫ އެވެ.
ތާޕްސީގެ އިތުރުން ވިޖޭ ރާޖް ވެސް ފެންނަ މީގެ ޓްރެއިލާވެސް މިހާރު ވަނީ ދައްކާލާފައެވެ. ޓްރެއިލާއަށް އަންނަނީ ބޮޑު ތަރުހީބެއްވެސް ލިބެމުންނެވެ.
ހިޓް - ދަ ފަސްޓް ކޭސް
"ހިޓް ދަ ފަސްޓް ކޭސް" އަކީ ހަމަ މި ނަމުގައި ރިލީޒްކޮށްފައިވާ ޓެލުގޫ ފިލްމުގެ ހިންދީ ރީމޭކެވެ.
ޖުލައި 15 ގައި ސިނަމާތަކަށް އަންނަ އެކްޝަން ތްރީލާ މިފިލްމްގައި ލީޑްރޯލުން ފެނިގެންދާނީ ރާޖްކުމާރު ރާއޯ އާއި ސަންޔާ މަލްހޯތުރާ އެވެ.
ޝަމްޝޭރާ
ޖުލައި މަހުގެ 22 ގައި ރިލީޒް ކުރުމަށް ހަމަޖެހިފައިވާ "ޝަމްޝޭރާ" އަކީ މިއަހަރުގެ އެންމެ ބޮޑު ފިލްމުތަކުގެ ތެރޭގައި ހިމެނޭ އެއް ފިލްމެވެ. މިފިލްމަކީ ރަންބީރު ކަޕޫރު ހަތަރު އަހަރުގެ މެދުކެނޑުމަށްފަހު އެބުރި އަންނަ ފިލްމެވެ.
ރަންބީރުގެ އިތުރުން ފިލްމުގައި ފެނިގެންދާނީ ވާނީ ކަޕޫރު އަދި ސަންޖޭ ދަތް އެވެ. މި ފިލްމަކީ މިއަހަރު އެންމެ ގިނަ މީހުން އެންމެ އިންތިޒާރުކުރާ އެއް ފިލްމެވެ.
އެކް ވިލަން ރިޓާންސް
"އޭކް ވިލަން" ގެ ބޮޑު ކާމިޔާބީއަށްފަހު މީގެ ސީކުއަލްގެ މިހާރު މިވަނީ ސިނަމާތަކުގައި އަޅުވަން ތައްޔާރުވެފަ އެވެ. ކްރައިމް ތްރިލަރއެއްކަމަށްވާ މި ފިލްމުގައި ޖޯން އަބްރަހަމާއި، އަރުޖުން ކަޕޫރު، ދިޝާ ޕަޓާނީ، އަދި ތާރާ ސުތާރިއާވެސް ފެންނާނެ އެވެ.
މި ފިލްމު ރިލީޒްކުރަން ތާވަލުކޮށްފައިވަނީ އަންނަ ޖުލައި މަހު 29 ވަނަ ދުވަހު އެވެ.
ފޯނު ބޫތު
ކެޓްރީނާ ކައިފް، ސިދާންޓް ޗަތުރުވެދީ، ރިތޭޝް ސިދްވާނީ، އިޝާން ޚައްތާރު އަދި ޖެކީ ޝްރޮފް ލީޑް ރޯލުން ފެނިގެންދާ މި ބިރުވެރި ކޮމެޑީ އަކީ ގޯސްޓްބަސްޓިން ފިހާރައެއްގެ ވާހަކަ އެވެ. ގުރުމީތު ސިންގް ޑައިރެކްޓްކޮށްފައިވާ މި ފިލްމު ރިލީޒް ކުރަން ހަމަޖެހިފައިވަނީ ޖުލައި މަހުގެ 15 ވަނަ ދުވަހު އެވެ.
މީގެ އިތުރުންވެސް ޖުލައި މަހު އެހެން ފިލްމުތައް ރިލީޒް ކުރުމަށް ވަނީ ހަމަޖެހިފަ އެވެ.
