އިންޑިއާގެ ކުރީގެ ބޮޑުވަޒީރު އަތަލް ބިހާރީ ވަޖުޕާއީގެ ހަޔާތުގެ މައްޗަށް ފިލްމެއް އުފެއްދުމަށް ނިންމައިފި އެވެ.

އަތަލް ބިހާރީގެ ބަޔޯޕިކް ފިލްމު އުފައްދުމަށް ނިންމާފައިވާކަން އިއުލާނު ކޮށްފައިވަނީ ޕްރޮޑިއުސަރު ވިނޯދު ބަނުޝާލީ އާއި ސަންދީޕް ސިންގް އެވެ.

މި ފިލްމުގެ ނަމަކީ "މެ ރަހޫން ނާ ނަރަހޫން ޔޭ ދޭޝް ރެހެނާ ޗާހިޔޭ – އަތަލް" އެވެ.

މި ފިލްމު އުފަންދަނީ އަލެކް އެން ޕީ ލިޔެފައިވާ ފޮތް "ދަ އަންޓޯލްޑް ވަޖުޕާއީ:ޕޮލިޓީޝަން އެންޑް ޕެރާޑޮކްސް" ގެ މައްޗަށް ބިނާކޮށެވެ.

އަންނަ އަހަރު ކުރީކޮޅު މަސައްކަތް ފަށަން ނިންމާފައިވާ މި ފިލްމުގެ ޑައިރެކްޓަރާއި ކާސްޓުންވެސް ވަރަށް އަވަހަށް އިއުލާނުކުރާނެ އެވެ. އަދި ފިލްމު ރިލީޒްކުރާނީ ވަޖުޕާއީގެ އުފަންދުވަހާއި ދިމާކޮށް އަންނަ އަހަރުގެ ޑިސެމްބަރުމަހު އެވެ.

އިންޑިއާގެ 10 ވަނަ ބޮޑުވަޒީރުގެ ގޮތުގައި ވަޖްޕާއީ ތިން ދައުރަކަށް މަގާމު ފުރުއްވި އެވެ.

ބޮޑުވަޒީރުކަމުގެ އިތުރުން ވެސް ސިޔާސީ ބޮޑެތި މަގާމުތައް ވަޖްޕާއީ ފުރުއްވި އެވެ. އޭގެ ތެރޭގައި މިނިސްޓަރުކަމާއި ގާނޫނުު ހަދާ މަޖިލީހުގެ މެމްބަރުކަން ވެސް ހިމެނެ އެވެ.

ވަޖްޕާއީ އަވަހާރަވީ 93 އަހަރުގައި އޮގަސްޓް 16، 2018 ގަ އެވެ.