ފިލްމާއި ޑްރާމާ ސިލްސިލާތައް ބެލުމަށް މިހާރު އެންމެ ގިނަ މީހުން ހިޔާރުކުރަނީ އޯޓީޓީ ޕްލެޓްފޯމްތަކެވެ. ދިވެހިންގެ މެދުގައިވެސް އެންމެ ބޮޑު މަގުބޫލު ކަމެއް ލިބިފައިވާ އޯޓީޓީ ޕްލެޓްފޯމްތަކުގެ ތެރޭގައި ނެޓްފްލިކްސް އާއި އެމަޒޯން ޕްރައިމް ހިމެނެ އެވެ. ކޮންމެ ދުވަހަކު މި ޕްލެޓްފޯމްތަކަށް ފިލްމުތަކާއި ޑްރާމާ ސިލްސިލާތައް ކަޕްޑޭޓް ކުރަމުންދެ އެވެ.

ގިނަ ފަހަރަށް ބެލުންތެރިން އިސްކަންދެނީ ސީރީޒްގެ އެކި އެޕިސޯޑްތައް ލޫޕްގައި ބަލަން ނުވަތަ ހަފްތާ ބަންދުގައި ފިލްމުތައް ބިންޖްކޮށް ބަލާލުމަށެވެ. އެގޮތުން މިހާރު އޯޓީޓީ ޕްލެޓްފޯމުތަކުގައި އެންމެ ގިނަ ބަޔަކު ބަލާ ހިތްވާ ހިތްވާ އުފެއްދުންތަކުގެ ތެރޭގައި އެންތޮލޮޖީ ހިމެނޭނެ އެވެ.

އެންތޮލޮޖީގައި އާންމު ގޮތެއްގައި ހިމެނެނީ ތިރީސް ނުވަތަ ސާޅީސް މިނެޓުގެ ހަތަރު ނުވަތަ ތިން ފިލްމެވެ. މި ހިމަނާލަނީ ނެޓްފްލިކްސް އަދި އެމަޒޯން އިން ފާހަގަކޮށްލެވުނު އެންމެ މޮޅު ހަތް އެންތޮލޮޖީ އެވެ.

ލަސްޓް ސްޓޯރީޒް

https://www.youtube.com/watch?v=cH4mYC91omg

މިއީ ނެޓްފްލިކްސްއިން ދައްކަމުން އަންނަ އެންތޮލޮޖީ އެވެ. މި އެންތޮލޮޖީގެ ހަތަރު ކުރު ފިލްމު ޑައިރެކްޓު ކޮށްފައިވަނީ އަނުރާގް ކަޝްޔަޕް، ޒޯޔާ އަކްތަރު، ކަރަން ޖޯހަރުގެ އިތުރުން ދިބާކަރް ބެނާޖީ އެވެ. ކަރަންގެ ފިލްމުގައި ފެނުނީ ކިއާރާ އާދްވާނީ އަދި ވިކީ ކައުޝާލް އެވެ. ޒޯޔާގެ ފިލްމުގައި ބޫމީ ޕޭދްނޭކަރް ފެނިގެން ދިޔައިރު ދިބާކަރްގެ ފިލްމުގައި ދެނުނީ މަނީޝާ ކޮއިރަލާ، ޖައިދީޕް އަހްލާވަތު ގެ އިތުރުން ސަންޖޭ ކަޕޫރެވެ. އަދި އަނުރާގްގެ ފިލްމުގައި ރާދިކާ އާޕްތޭ އާއި އާކާޝް ތޯސާރް ފެނިގެން ދިޔަ އެވެ. މިހަތަރު ފިލްމަކީވެސް ޝައުގުވެރި ހަމަ އެހެންމެ އޮރިޖިނަލް ހަތަރު ފިލްމެވެ.

އަޖީބް ދާސްތާންސް

https://www.youtube.com/watch?v=EImTzMiVdzo

އަޖީބު ދަސްތާންސްގެ ހަތަރު ވާހަކައަކީ ތަފާތު ރޮމޭންޓިކް ވާހަކަތަކުން ފެށިގެން ބިރުވެރި ވާހަކަތަކަކަށް ވާއިރު، ގަވާއިދުން ފެންނަ ކަމަށް ފެންނަ ހާލަތްތަކަށް ‘އަޖީބު’ ޓްވިސްޓެއް ފެނިގެންދާ އެންތޮލޮޖީ އެކެވެ. މަޝްހޫރު ބައެއް ތަރިން އެންތޮލޮޖީން ފެނިގެން ދިޔަ އެވެ. ހަތަރު ފިލްމަކީވެސް އެއްވަރުގެ ޝައުގުވެރި އަދި މޮޅު ފިލްމެވެ. މަޝްހޫރު ތަރިންގެ އިތުރުން ފިލްމުގެ ވާހަކަތަކުންވެސް އެންތޮލޮޖީގެ ފެންވަރު މަތިކޮށްދިނެވެ.

ރޭ

https://www.youtube.com/watch?v=P0P_Sfju0-Q

ނެޓްފްލިކްސްއިން ދައްކާ "ރޭ" ބިނާވެފައި އޮންނަނީ ސައިކޮލޮޖިކަލް ތްރިލާ ޖޯންރާގެ އެންތޮލޮޖީ އެވެ. އިންޑިއާގައި ރިލީޒްކުރި ނޮވެލްތަކަކުން އެޑެޕްޓުކޮށްގެން އުފައްދާފައިވާ ކުރު ފިލްމުތަކުގައި ނޮވެލްއިން ކޮންމެވެސް ވަރެއްގެ ބަދަލުތަކެއް ވަނީ ގެނަސްފަ އެވެ. ހަތަރު ކުރު ފިލްމުގައި މަޝްހޫރު ބައެއް މޫނުތައް ފެނުނެވެ. އެގޮތުން މަނޯޖް ބޯޖްޕާއީ، ގަޖްރަޖް ރާއޯ، ހަރްޝްވަރުދަން ކަޕޫރުގެ އިތުރުން ރާދިކާ މަދަން ހިމެނުނެވެ. "ރޭ" އަކީ އިންޑިއާގެ ބެސްޓް ސެލާގެ ގޮތުގައި ގިނަ ދުވަސްތަކެއް ވަންދެން އޮތް ނޮވެލް "ރޭ" އަށް ބިނާކޮށް އުފެއްދި ކުރު ފިލްމެކެވެ.

އަންޕޯޒްޑް

https://www.youtube.com/watch?v=kXGfGV2v6GE

އެމަޒޯން ޕްރައިމް ގައި ސްޓްރީމް ކުރަމުންދާ "އަން ޕީޒްޑް" އަކީ މުޅި ދުނިޔެ "ޕޯޒް" ވެފައި ވަނިކޮށް ރިލީޒްކުރި އެންތޮލޮޖީ އެކެވެ. އެއީ ކޮވިޑުގެ ސަބަބުން ލޮކްޑައުންއަކަށް ގޮސް އެންމެން ގޭގައި ތިބެން ޖެހިފައި އޮއްވާ ސްޓްރީމް ކުރަން ފެށި ސީރީޒް އެކެވެ. މި އެންތޮލޮޖީގައި ކިޔައިދިނީ އެކި އިގްތިސޯދީ އަދި އިޖުތިމާއީ ގިންތިއާއި މިންތީގެ މީހުންގެ ދިރިއުޅުމަށް ކޮވިޑުގެ ސަބަބުން ކުރި އަސަރުތަކެވެ. މި އެންތޮލޮޖީއަކީ ސީދާ ގޮތުން ގިނަ މީހުންނާއި ގުޅޭ އެންތޮލޮޖީ އެކެވެ. ހާއްސަކޮށް ކޮވިޑުގެ ސަބަބުން އެކި ދާއިރާތަކުގެ މީހުންގެ ވާހަކަ ގެނަސްދީފައި އޮތް ގޮތުން އެންތޮލޮޖީ ވަރަށް ބަލާހިތްވެ އެވެ.

ގޯސްޓް ސްޓޯރީޒް

https://www.youtube.com/watch?v=hsab-HJ7kqc

"ގޯސްޓް ސްޓޯރީޒް" އަކީ ނެޓްފްލިކްސްއިން ދައްކަމުން އަންނަ އެންތޮލޮޖީ އެވެ. މި އެންތޮލޮޖީގައި ހިމެނޭ ފިލްމުތައް ޑައިރެކްޓު ކޮށްފައިވަނީ އިންޑިއާގެ މަޝްހޫރު ބައެއް ޑައިރެކްޓަރުންނެވެ. އެގޮތުން ކަރަން ޖޯހަރު، ޒޯޔާ އަކްތަރު، އަނުރާގް ކަޝްޔަޕް ގެ އިތުރުން ދިބާކަރު ބެނާޖީ މިއިން ކޮންމެ ޑައިރެކްޓަރަކު ވަނީ އެއް ފިލްމު ޑައިރެކްޓު ކޮށްފަ އެވެ. ބިރުވެރި ޖޯންރާގެ ހަތަރު ވާހަކަވެސް ވަރަށް ފުރިހަމަ އެވެ.

ފީލްސް ލައިކް އިޝްގް

https://www.youtube.com/watch?v=Cbnjj4ADdNw

މިއީ ހަ ކުރު ފިލްމެއްގެ މައްޗަށް އެކުލަވާލާފައިވާ އެންތޮލޮޖީ އެކެވެ. ލޯބީގެ ރީތި ވާހަކަތަކެއް ހިމެނޭ މި އެންތޮލޮޖީއަކީ ނެޓްފްލިކްސްގައި އެންމެ ޑިމާންޑު ބޮޑު އެއް އުފެއްދުންވެސް މެ އެވެ. އެންތޮލޮޖީގެ މުހިންމު ތަރިންގެ ތެރޭގައި ނީރަޖް މާދަވް، ޒޭން މޭރީ ހާން، ސަންޖީތާ ބައްޓަޗާރިއާ، ރާދިކާ މަދަން ފަދަ ތަރިން ހިމެނެ އެވެ. މީގެ އިތުރުންވެސް ގިނަ މޫނުތަކެއް އެންތޮލޮޖީން ފެނުނެވެ. އެންމެ މޮޅުކަމަށް ފާހަގަކުރެވުނު ތިން ކުރު ފިލްމަކީ "އިންޓަވިއު"، "ޝީ ލަވްސް މީ، ޝީ ލަވްސް މީ ނޮޓް" ގެ އިތުރުން "ދަ ޑޭޓް" އެވެ.

އަންކަހީ ކަހާނިޔާ

https://www.youtube.com/watch?v=pw1WuzTYM3Q

ނެޓްފްލިކްސްގައި އެންމެ ފަހުން ސްޓްރީމް ކުރަން ފެށި ހިންދީ އެންތޮލޮޖީ އަކީ "އަންކަހީ ކަހާނިޔާ" އެވެ. މިއީ ތިން ވާހަކައެއްގެ މައްޗަށް އުފައްދާފައިވާ ތިން ކުރު ފިލްމެއް އެއްކޮށްލައި ރިލީޒްކުރި އެންތޮލޮޖީ އެކެވެ. ތިން ކުރުފިލްމު ޑައިރެކްޓު ކުރީ ތިން ޑައިރެކްޓަރުންނެވެ. އެއީ އަޝްވިނީ އިޔާ ތިވާރީ، އަބީޝެކް ޗޯބޭ އަދި ސަކޭތު ޗޯދުރީ އެވެ. ފުރަތަމަ ފިލްމުގައި ލީޑް ރޯލުން ފެންނަނީ އަބީޝެކް ބެނާޖީ އެވެ. ދެވަނަ ފިލްމުގައި ޒޯޔާ ހުސައިންގެ އިތުރުން ކުނާލް ކަޕޫރު ލީޑް ރޯލުން ފެންނައިރު ތިންވަނަ ފިލްމުގައި ފެންނަނީ ރިންކޫ ރާޖްގުރޫ އާއި ދެލްޒާދު ހިވާލޭ އެވެ. މިއީ ތްރިލާ ޖޯންރާގެ އެންތޮލޮޖީ އެކެވެ.