ސ. ހުޅުދޫގައި މޫދަށް ދިޔަ އުމުރުން ދުވަސްވީ މީހަކު މަރުވެފައި އޮއްވާ ފެނިއްޖެ އެވެ.

ފުލުހުން ބުނީ އުމުރުން 78 އަހަރުގެ މި އަންހެން މީހާ މަރުވެފައި އޮއްވާ ފެނުނީ މިއަދު ހެނދުނު 11:48 ހާއިރު މޫދުން ކަމަށެވެ. މި މީހާ މަރުވެފައި އޮތީ ހުޅުދޫ ކަނޑޫއެޅެ ބީޗް ސަރަހައްދު ގަ އެވެ.

އެމީހާ ފެނުމާއެކު ހުޅުމީދޫ ސިއްޙީ މަރުކަޒަށް ވަނީ ވަގުތުން ގެންގޮސްފަ އެވެ.

ހުޅުމީދޫ ސިއްޙީ މަރުކަޒުން ބުނީ އެމީހާ ގެނައިއިރު ވެސް އޮތީ މަރުވެފައި ކަމަށެވެ.

އެ ހާދިސާއާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.