އީރާނުގެ އިސްލީޑަރު އާޔަތުﷲ އަލީ ޚާމަނެއީގެ އަނބިކަނބަލުން، އެމެރިކާ އާއި އިޒްރޭލުން ދިން ހަމަލާތަކުގައި ލިބުނު ޒަޚަމްތަކަށް ފަރުވާ ހޯއްދަވަމުން ދަނިކޮށް އަވަހާރަވެއްޖެ ކަމަށް އެ ގައުމުގެ މީޑިއާތަކުން ރިޕޯޓުކޮށްފި އެވެ.

އުމުރުފުޅުން 79 އަހަރުގެ މަންސޫރާ ޚުޖަސްތޭ ބާގިރުޒާދާ އަވަހާރަވީ މިއަދު ކަމަށް މީޑިއާތަކުން ބުނެ އެވެ. އީރާނުގެ ތަސްނީމް ނިއުސް އެޖެންސީއާ ހަވާލާދީ އޭއެފްޕީން ރިޕޯޓުކޮށްފައިވާ ގޮތުގައި، ފެބްރުއަރީ 28 ވަނަ ދުވަހު ޚާމަނެއީ އަވަހާރަވި ހަމަލާއަށްފަހު، އެކަމަނާ އޮންނެވީ ކޯމާއެއްގަ އެވެ.

އެމެރިކާ އާއި އިޒްރޭލުން މިދިޔަ ހޮނިހިރު ދުވަހު އީރާނަށް ދިން ހަމަލާއެއްގައި އީރާނުގެ އެންމެ މަތީ ލީޑަރު އާޔަތުﷲ އަލީ ޚާމަނާއީ 86، އަވަހާރަކޮށްލާފައިވާ ކަމަށް އެ ގައުމުން ވަނީ އުލާންކޮށްފަ އެވެ.

ހަމަލާތަކުގައި ޚާމަނާއީގެ އިތުރުން އޭނާގެ ދަރިކަނބަލުންނާއި ދަނބިދަރިކަލުން އަދި ކާފަ ދަރިކަލަކު ވެސް އަވަހާރަކޮށްލާފައިވާ ކަމަށް އެ ގައުމުން ވަނީ އިއުލާންކޮށްފަ އެވެ.