ބަރުދަން ލުއިކުރާ ބޭސް: ބުރުސޫރަ ރީތި ކުރަން ބޭނުން ކުރެވޭ!
އެޕާޓްމެންޓްތަކުގެ ކުލި ޑޮލަރުން ދައްކަން އެންގުން އާންމުވަނީ
ގައުމުތަކުން އެމެރިކާއަށް އެއްބާރުލުން ނުދޭން އީރާނުން ގޮވާލައިފި
ޕީއެންއެފްއަށް ތާއީދުކުރާ ފަރާތްތަކާ ބައްދަލުކުރުމަށް ރައީސް އަބްދުﷲ ޔާމީން މިއަދު ހަވީރު ފުވައްމުލަކަށް ވަޑައިގެންފި އެވެ.
ގިނަ ދުވަސްތަކަކަށް ފަހު ރައީސް ޔާމީން ފުވައްމުލަކަށް ވަޑައިގަތުމުން މި ރަށު އެއާޕޯޓުން ވަނީ އެ މަނިކުފާނަށް ހޫނު މަރުހަބާއެއް ކިޔައިފަ އެވެ.
ރައީސް ޔާމީން ފުވައްމުލަކަށް ވަޑައިގަތުމުން ކުރީގެ ޕީޕީއެމްގެ މެމްބަރުންނާއި ޕީއެންއެފްގެ މެމްބަރުންގެ އިތުރުން ރައީސް ޔާމީނަށް ތާއީދުކުރާ އެތައް ސަތޭކަ މީހުން މަރުހަބާ ކިޔުމަށް އެއާޕޯޓަށް އެއްވެ، ދިގު ކިޔޫއެއް ހަދައިގެން ތިއްބެވެ.
ޕީއެންއެފް އިން ބުނިގޮތުގައި މި ދަތުރުފުޅުގައި ފުވައްމުލަކުގައި ތިބި ރައީސް ޔާމީންގެ ސަޕޯޓަރުންގެ އިތުރުން ފުވައްމުލަކު ސިޓީ ކައުންސިލާ ބައްދަލު ކުރެއްވުމަށް ވެސް ހަމަޖެހިފައިވެ އެވެ.
މީގެ އިތުރުން އަންނަ ބުރާސްފަތި ދުވަހުގެ ރޭ ޕީއެންއެފްގެ ޖަގަހައިގައި ޓައުން ހޯލް ޖަލްސާއެއް ބޭއްވުމަށް ހަމަޖެހިފައިވެ އެވެ.
ރައީސް ޔާމީން އެންމެ ފަހުން ފުވައްމުލަކަށް ވަޑައިގަތީ 2024 ވަނަ އަހަރު އޮތް ރައްޔިތުންގެ މަޖިލީހުގެ އިންތިހާބާ ދިމާކޮށް ކެމްޕޭން ދަތުރުފުޅެއްގަ އެވެ.
