ރަސްމާލެއިން ބިން ދޫކުރުމުގެ މަޝްރޫއާ ގުޅިގެން އިދިކޮޅު އެމްޑީޕީން އަމަލުކުރާނެ ގޮތެއް ކަނޑައެޅުމަށްޓަކައި އެ ޕާޓީގެ ގައުމީ މަޖިލީހުގެ ހާއްސަ ޖަލްސާއެއް އަންނަ އާދީއްތަ ދުވަހުގެ ރޭ ބާއްވަން ތާވަލުކޮށްފި އެވެ.

އެމްޑީޕީގެ ގައުމީ މަޖިލީހުގެ 60 އަށްވުރެ ގިނަ މެންބަރުންގެ އެދިވަޑައިގަތުމުގެ މަތިން ބާއްވާ މި ޖަލްސާގެ މައިގަނޑު ބޭނުމަކީ، ރަސްމާލޭގެ 500 ހެކްޓަރުގެ ބިން ޔޫއޭއީގެ އީގަލް ހިލްސް ކުންފުންޏަށް ދިނުމާ ގުޅޭގޮތުން ޕާޓީގެ ރަސްމީ ސިޔާސަތު ކަނޑައެޅުމެވެ.

މީގެ ކުރިން އެމްޑީޕީން ނެރުނު ނޫސްބަޔާނެއްގައި ވަނީ، ރާއްޖޭގެ ބިން ބިދޭސީންނަށް މިލްކުވާނެ ފަދަ ސިޔާސަތެއް ކަނޑައެޅުމުގެ ބާރު ސަރުކާރަށް ލިބިގެންނުވާ ކަމަށް ބުނެ އެ ޑީލުގެ ތަފުސީލުތައް ހާމަކުރުމަށް ގޮވާލާފަ އެވެ.

މި މައްސަލައިގައި އެމްޑީޕީގެ ތެރޭގައި ހިޔާލުތަފާތުވުންތަކެއް ވަނީ އުފެދިފަ އެވެ. އެގޮތުން ޕާޓީގެ ޗެއާޕާސަން އަދި ކުރީގެ ރައީސް މުހައްމަދު ނަޝީދު މި މަޝްރޫއަށް ތާއީދުކުރައްވައި ވާހަކަދައްކަވަމުންދާއިރު، ގައުމީ މަޖިލީހުގެ ގިނަ މެންބަރުން ތިއްބެވީ އެއާ ދެކޮޅަށެވެ. މީގެއިތުރުން ޕާޓީގެ ސިޔާސަތާ ދެކޮޅަށް ވާހަކަދެއްކެވި މެންބަރުންނާމެދު މީގެ ކުރިން ފިޔަވަޅު އަޅާފައިވާކަން ފާހަގަކުރައްވައި ރައީސް ނަޝީދު ވަނީ ނުސީދާ އިންޒާރެއް ވެސް ދެއްވާފަ އެވެ.

ނަމަވެސް މި މަޝްރޫއާ މެދު އެމްޑީޕީން އަމަލުކުރާނެ ގޮތުގެ ފަހުގެ ނިންމުން ނިންމާނީ އާދީއްތަ ދުވަހުގެ ރޭ ބާއްވާ ގައުމީ މަޖިލީހުގެ ޖަލްސާއިންނެވެ.

މި ލިޔުމާ ގުޅޭ އިތުރު ލިޔުން
Nasheed Eagle Hills ge dhifaaugai vaahakadhakkavaathee MDP thereygai koalhun boduvejje އީގަލް ހިލްސްގެ ދިފާއުގައި ނަޝީދު އުޅުއްވާތީ މައްސަލަ ބޮޑުވެއްޖެ
Rasmale massalaigai Raees Yameen ge hoonu rahdheh Raees Nasheed ah ރަސްމާލެ މައްސަލާގައި ރައީސް ޔާމީންގެ ފާޑުކިޔުން ރައީސް ނަޝީދަށް
Rasmale ge bodu baeh egal hills ah dhenee rayyithunnah olhuvaalaigen: Nasheed "ރަސްމާލޭގެ ބޮޑު ބައެއް އީގަލް ހިލްސްއަށް ދެނީ އޮޅުވާލައިގެން"