ޓިވީ ބަތަލާ ދިވްޔަންކާ ތްރިޕާޓީ ސޮނީ ޓީވީން ގެނެސްދިން ކާމިޔާބު ސލްސިލާ "ބަޅޭ އައްޗޭ ލަގްތޭހޭ" ގެ ދެވަނަ ސީޒަންއިން ހުށަހަޅާފައިވާ ރޯލު ނުކުޅުމަށް ނިންމައިފި އެވެ.

އެކްޓްރެސް ދިވްޔަންކާ ތުރިޕާޓީ އެނބުރި އަންނަ ޕްރޮޖެކްޓެއް ގޮތުގައި "ބަޅޭ އައްޗޭ ލަޖްތޭހެ 2" ހަމަޖެހިފައި އޮތް ނަމަވެސް އެކްޓްރެސް ވަނީ މި ސީރީޒް ކުޅުމަށް އިންކާރުކޮށްފަ އެވެ.

މީޑިއާ ރިޕޯޓްތައް ބުނާ ގޮތުގައި ދިވްޔަންކާ މި ސީރީޒްގެ ރޯލަށް ލުކް ޓެސްޓް ދިނުމަށްފަހު ވެސް ނަކުލް މެހެތާއާއެކީ އޮން ސްކްރީންގައި އޭނާ އުމުރުން މާ ބޮޑުކަމަށް ފެނި ކޮންފޮޓަބްލް ނޫން ކަމަށް ނިންމާ މި ރޯލް ނުކުޅުނީ ކަމަށް ވަނީ ބުނެފަ އެވެ.

މިކަމާ ބެހޭ ގޮތުން ދިވްޔަންކާ އީ ޓައިމްސްއަށް ދިން އިންޓަވިއުއްގައި ބުނެފައި ވަނީ "ރިޕޯޓްތަކުގައި އަހަރެން ނަކުލްއަށް ވުރެ އުމުރުން ބޮޑު ކަމަށް ސުކުރީނުން ދައްކާނެ ކަމަށް ބުނާ ވާހަކަ ހުދު އަހަރެން ވެސް ގަބޫލްކުރަން. އެއީ މި ރޯލް ހުށަހެޅިއިރު އަހަރެންނާއެކީ ފެނިގެންދާނެ އެކްޓްރެސް އެގުނީމާ އަހަރެން ވެސް ހައިރާންވި އާއިލާ ވެސް ހަމަ އެގޮތައް ރިއެކްޓްކުރި. މި ރޯލްކުޅޭ އެކްޓްރެސް މި ރޯލްއަށް އިންސާފްކުރަން ރަގަޅުވާނެ ކަމަށް ހުދު އަހަރެން ދެކެން،" ކަމަށެވެ.

https://www.youtube.com/watch?v=t_h4AdjxvR0

ދިވްޔަންކާ ވަނީ ވަރަށް ފަހުން "ހަތްރޯން ކި ކިލާޅީ 11" އިން ފެނިގެން ގޮސްފަ އެވެ.

ޝޯގެ ހޯސްޓް ވަނީ ފުރަތަމަ ޓާސްއާއެކީ ދިވްޔަންކާއިން ފައިނަލިސްޓެއް ސޫރަވާ ކަމަށް ބުނެ ތައުރީފްކޮށްފަ އެވެ.

ދިވަޔަންކާ ވަނީ މި ޝޯގެ ކުރިން "ކްރައިމް ޕެޓްރޯލް" ވެސް ހުށަހަޅާދީފަ އެވެ. ޓީވީ އިންޑަސްޓްރީގައި 15 އަހަރު ހޭދަކޮށްފައިވާއިރު، އެންމެ ބޮޑު މަގުބޫލް ކަމެއް އޭނާއަށް ލިބުނީ "ޔޭ ހޭ މޮހައްބަތޭން" ސީރިއަލްއިންނެވެ.