މަނޯޖް ބާޖްޕާއާއެކު އަލުން މަސައްކަތް ކުރަން ލިބުމުން އުފާކުރާ ކަމަށް ބޮލީވުޑްގެ ތަރި އަދި ޓީވީ ޑްރާމާތަކުން މަޝްހޫރު ކަމެއް ހޯދާފައިވާ ޝާކްޝީ ތަންވާރު ބުނެފި އެވެ.

ޝާކްޝީ ތަންވާރު ދެން އެންމެ އަވަހަށް ފެނިގެންދާނީ "ޑައިލް 100" އިން މަނޯޖް ބާޖްޕާއި އަދި ނީނާގުޕްތާ އާއެކު އެވެ.

ޒީ 5 ގައި މިއަދު ރިލީޒް ކުރުމަށް ހަމަޖެހިފައިވާ މި ތުރިލާ ޑްރާމާގެ ޑައިރެކްޓަރަކީ ރެންސިލް ޑިސިލްވަރި އެވެ.

ފިލްމު ރިލީޒް ކުރުމުގެ ކުރިން ޝާކްޝީ މިވަނީ އޭނާގެ މާޒީގައި ހިގާދިޔަ މަނޯޖް ބާޖްޕާއިއާ ގުޅުންހުރި މަޖާ ކަމެއް ހިއްސާކޮށްފަ އެވެ.

އިންޑިއަން އެކްޕުރެސްއަށް ދިން އިންޓަވިއުއްގައި ޝާކްސީ ބުނީ "ގިނަ ބަޔަކަށް ނޭގޭނެ އަހަރެން ދިއްލީގައި ކޮލެޖްގައި އުޅުނު ދުވަސްވަރު މަނޯޖް ސާ ވޯކް ސޮޕެއްގައި ކޮލެޖްއަށް އައި. އަހަރެންގެ ފުރަތަމަ ޑައިރެކްޓަރު އެއީ. ލީޑްރޯލް ކުޅުނު ޕުލޭ މެޑަމްގައި އެއްކޮށް މަސައްކަތް ކުރިތާ ތިރީސް އަހަރު ފަހުން އެއްކޮށް މަސައްކަތް ކުރުމުގެ ފުރުސަތު މި ލިބުނީ" އެވެ.

އޯޓީޓީ ޕްލެޓް ޕޯމް އިތުރުވުމުގެ ސަބަބުން ތަފާތު ވަރުގަދަ ރޯލްތަކެއް ކުޅުމުގެ ފުރުސަތު އަންހެނުން ނަށް ލިބޭ ކަމަށް ޝާކްޝީ އިތުރަށް ބުންޏެވެ.

ގިނަ އަހަރުތަކެއް ވަންދެން އަންހެނުން ޓީވީގައި ރޫލްކުރި ކަމަށާއި ޑިޒިޓަލް ޕުލެޓް ފޯމްގެ ސަބަބުން އިތުރު ފުރުސަތުތަކެއް ލިބުނު ކަމަށް ވެސް އެކްޓްރެސް ވަނީ ބުނެފަ އެވެ.

https://www.youtube.com/watch?v=xzFcCpJOgLQ

އުމުރުން 45 އަހަރުގެ ސާކްޝީއަކީ ޑްރާމާތަކުން އެންމެ ގިނަ މީހުންގެ ލޯބި ހޯދާފައިވާ އެއްތަރި އެވެ.

ޑްރާމާ ސީރީޒްގެ އިތުރުން ވެސް ބައެއް ބޮލީވުޑް ފިލްމްތަކުގައި ވެސް ޝާކްޝީ ވަނީ މުހިއްމު ރޯލް އަދާކޮށްފަ އެވެ. އެގޮތުން އޭނާ ވަނީ ފިލްމް "ޑަންގަލް" ގައި އާމިރު ޚާންގެ އަންހެނުންގެ ރޯލް އަދާކޮށްފަ އެވެ.