އެމްޓީވީން ގެނެސްދެމުން އަންނަ އެންމެ މަގުބޫލު އެއް ރިއަލިޓީ ސޯ "ރޯޑީސް" އިން 17 އަހަރަށްފަހު ރާންވިޖޭ ވަކިވުމަށް ނިންމައިފި އެވެ.

ރާންވިޖޭއަކީ އެމްޓީވީއިން ގެނެސްދޭ ގިނަ ރިއަލިޓީ ޝޯތަކެއް ހުށައަޅައިދޭ މަގުބޫލު ފަންނާނެކެވެ.

މީގެ 19 އަހަރު ކުރިން ދައްކަން ފެށި "ރޯޑީސް" މިއަދާ ހަމައަށް އައިއިރު ރާންވިޖޭއަކީ އެޝޯއާ ހުރިހާ ގޮތަކުން ވެސް ގުޅިލާމެހިފައިވާ ތަރިއެކެވެ. ފުރަތަމަ ސީޒަން ކާމިޔާބުކުރި ރާންވިޖޭ ވަނީ އެ ޝޯ ހޮސްޓުކުރުމާ ހަވާލުވެ ޖަޖެއްގެ ގޮތުގައި ވެސް ހަރަކާތްތެރިވެފައިވެ އެވެ.

އެމްޓީވީ ރޯޑީސްގެ ކުރިއަށް އޮތް 19 ވަނަ ސީޒަން ގެނެސްދިނުމަށް ބޮލީވުޑް ތަރި ސޯނޫ ސޫދު ވަނީ ހަމަޖައްސާފަ އެވެ.

ރާންވިޖޭ ޝޯއިން ވަކިވެގެންދާއިރު އޭނާ އާއެކު މިޝޯގައި ބައިވެރިވާ ނޭހާ ދޫޕިއާ، ޕްރިންސް ނަރޫލާ އަދި ރަފްތާރު ވެސް ކުރިއަށް އޮތް ޝޯގައި ބައިވެރިނުވާނެ ކަމަށް ހަބަރުތައް ބުނެ އެވެ.

ރާންވިޖޭ އެޝޯއާ ވަކިވާން ނިންމާފައިވަނީ ކުރިއަށް އޮތް ރޯޑީސް ޝޯ އުފައްދަނީ އާ ޕްރޮޑަކްޝަން ހައުސްއަކުން ކަމަށް ވާތީ ކަމަށް ބުނެވެ އެވެ.

މިކަމާ ގުޅޭ ގޮތުން ރާންވިޖޭ ބުނެފައިވަނީ އޭނާއާ އެމްޓީވީއާ ދެމެދު އެއްވެސް މައްސަލައެއް ޖެހިފައިނުވާ ކަމަށެވެ. އަދި އޭނާގެ ކާމިޔާބީ ފަހަތުގައި އެމްޓީވީގެ ދައުރަކީ އަކީ މުހިއްމު ދައުރެއް ކަމަށްވެސް ރާންވިޖޭ ވަނީ ބުނެފަ އެވެ.

ރާންވިޖޭ މިވަގުތު އަންނަނީ ގިނަ ބައެއްގެ ސަމާލުކަން ހޯދަމުން އަންނަ އިންޑިއާގެ މަގުބޫލު ޝޯ ''ޝާކް ޓޭންކް އިންޑިއާ'' ހުށައަޅައި ދެމުންނެވެ.