އިންޑިއާގެ މަޝްހޫރު ޕަންޖާބީ ލަވަކިޔުންތެރިޔާ ޑެލަރު މެހެދީ މައްޗަށް އިންސާނުންގެ ވަގުފާރީގެ މަައްސަލައަކާ ގުޅިގެން މީގެ ފަނަރަ އަހަރު ކުރިން ދެ އަހަރުގެ ޖަލު ހުކުމް ދަމަހައްޓައިފި އެވެ.

ޕަންޖާބީ ލަވަކިޔުންތެރިޔާ ޑެލަރު މެހެދީ 2003 ވަނަ އަހަރު ވަނީ ވަގުފާރީގެ މައްސަލާގައި ދެ އަހަރުގެ ޖަލު ހުކުމެއް އިއްވާފަ އެވެ. އެހެން ނަމަވެސް ޑެލަރު ފަރާތުން އެމައްސަލަ އިސްތިއުނާފުކުރުމުން އޭނާ ވަނީ ކަފާލާތުގެ ދަށުން ދޫކޮށްލާފަ އެވެ.

ޕަޓިއާލާގެ ކޯޓަކުން މިހާރު ވަނީ އުމުރުން 54 އަހަރުގެ ޑެލަރު މައްޗަށް 2003 ވަނަ އަހަރު އިއްވާފައިވާ ދެ އަހަރުގެ ޖަލު ހުކުމް ދެމެހެއްޓުމަށް ހުކުމް ކޮށްފަ އެވެ.

މިމައްސަލައަކީ 2003 ވަނަ އަހަރު ފެށި މައްސަލައެއް ކަމަށާއި ދަލޭރް މެހެންދީ އާއި އޭނާގެ ބޭބެ ޝަމްޝެރް ސިންގްގެ މައްޗަށް ޖުމްލަ 31 މައްސަލައެއް ހުށަހަޅާފައިވާ ކަމަށެވެ.

ދަލޭރް މެހެންދީ އާއި އޭނާގެ ބޭބެ ޝަމްޝެރް މެހެންދީގެ މައްޗަށް ޕަޓިއާލާ ފުލުހުންގެ މައްޗަށް ދައުވާ ކުރީ ބަކްޝީޝް ސިންގް ހުށަހެޅި މައްސަލައަކާ ގުޅިގެންނެވެ. އެ ޝަކުވާގައި ތުހުމަތުކޮށްފައި ވަނީ އެ ދެބެން ގަވާއިދާ ހިލާފަށް އެމެރިކާއަށް ހިޖުރަކުރުމަށް އެހީތެރިވުމަށް އެމީހުންގެ އަތުން "ޕޭސޭޖް މަނީ" ނަގާފައިވީ ނަމަވެސް އެކަން ކުރަން ނާކާމިޔާބުވެފައިވާ ކަމަށެވެ.

މީގެ އިތުރުން ކެނެޑާއަށް ގެންދިޔުމަށްޓަކައި ލަވަކިޔުންތެރިޔާ ފައިސާ ނަގާފައިވާ ކަމަށް ވެސް ޝަކުވާ ހުށަހެޅި ފަރާތުން ވަނީ ތުހުމަތުކޮށްފަ އެވެ.

2018 ވަނަ އަހަރު ޕަޓިއާލާގެ ކޯޓަކުން ދެ އަހަރަށް ޖަލަށް ލުމަށް ދަލޭރް މެހެންދީގެ މައްޗަށް ހުކުމް ކުރި އިރު، އޭނާ 1000 ރުފިޔާއިން ޖޫރިމަނާ ވެސް ކުރި އެވެ. އެއަށްފަހު މެހެންދީ ވަނީ ކަފާލާތުގެ ދަށުން ދޫކޮށްލާފަ އެވެ.