ބޮލިވުޑްގެ މަޝްހޫރު ބަތަލާ ޕްރިޔަންކާ ޗޯޕްޅާގެ ދަރިފުޅު މާލްތީ މެރީ ޗޯޕްޅާ ޖޯނަސް ނަށާ ވީޑީއޯއަށް ގިނަ ބައެއްގެ ސަމާލުކަން ހޯދައިފި އެވެ.

ބޮލީވުޑް އާއި ހޮލީވުޑްގައިވެސް ކާމިޔާބު ބަތަލާ ޕްރިޔަންކާ އާއި އޭނާގެ ފިރިމީހާ ނިކް ޖޯނަސް އަށް ސަރޮގޭޓްކޮށްގެން ދަރިޔަކު ލިބުނީ މިއަހަރުގެ ޖެނުއަރީ މަހު އެވެ.

ޕްރިޔަންކާ އޭނާގެ އިންސްޓަގްރާމްގައި އެންމެ ފަހު އާންމުކޮށްފައިވާ ވީޑިއޯގައި ފެނިގެންދަނީ މަޝްހޫރު ހިންދީ ލަވައެއް ކަމަށްވާ "ސަސުރާލް ގެންދަ ޕޫލް" އަށް ދަރިފުޅު ނަށުވަން ޕްރިޔަންކާ ނުފެންނަ ގޮތަށް ހަރަކާތްކުރުވާ ތަނެވެ. އެ ލަވަ އަކީ އަބީޝެކް ބައްޗަނާއި ސޯނަމް ކަޕޫރްގެ 2009 ގެ ފިލްމު "ދިއްލީ 6" ގެ ލަވައެކެވެ.

މިވީޑިއޯގައިވެސް މާލްތޫ މާރީގެ މޫނެއް ނުފެނެ އެވެ.

މި ވީޑިއޯކޮޅު ޕްރިޔަންކާ ޕޯސްޓްކުރީ "އާދިއްތަ ދުވަހު ކުރިއަށް ދަނީ މިހެން" ކަމަށް ބުނެ އެވެ. މި ވީޑިއޯ އަށް ވަރަށް ގިނަ ފިލްމީ ފަންނާނުން ކޮމެންޓްކޮށްފައިވެ އެވެ.

https://www.instagram.com/p/ChxkhALsiL5/

ދަރިފުޅާ އެކީ ނަގާފައިވާ ފޮޓޯތަކެއް ސޯޝަލް މީޑިއާގައި ޕްރިޔަންކާ އާންމުކުރި ނަމަވެސް މިހާތަނަށް އެއްވެސް ފޮޓޯއެއްގައި ދަރިފުޅުގެ މޫނު ފެންނަ ވަރެއް ނުވެ އެވެ.