ބޮލީވުޑްގެ ބަތަލާ ޖޫހީ ޖައުލާގެ ފުރަތަމަ ވެބް ސީރީޒް "ހަޝް ހަޝް" މިމަހުގެ 22 ވަނަ ދުވަހު ޕްރީމިއާކުރަން ނިންމައިފި އެވެ.

"ހަޝް ހަޝް" ނަމަކަށް ކިޔާ މި ސީރީޒަކީ ވިކްރަމް މަލްހޯތުރާ އިސްކޮށް ހުރެގެން އުފައްދާފައިވާ އަބަންޑަންޓިއާ އެންޓަޓެއިންމަންޓުން ޕްރޮޑިއުސްކުރާ ސީރީޒެކެވެ. މިސީރީޒް މިމަހުގެ 22 ވަނަ ދުވަހު އެމެޒީން ޕްރައިމް ވީޑިއޯއިން ޕްރިމިއާ ކުރުމަށް ވަނީ ނިންމާފަ އެވެ.

ކާސްޓުންނާއި ކްރޫ ހިމެނޭގޮތަށް އަންހެނުން އިސްކޮށް ތިބެގެން އުފައްދާ މި ސީރީޒަކީ ވިކްރަމް މަލްހޯތުރާ އިސްކޮށް ހުރެގެން އުފައްދާފައިވާ އަބަންޑަންޓިއާ އެންޓަޓެއިންމަންޓުން ޕްރޮޑިއުސްކުރާ ސީރީޒެކެވެ.

"ހަޝް ހަޝް" ގެ ކާސްޓްގައި ކުރީގެ ބަތަލާ އައިޝާ ޖުލްކާ އާއި ސޯހާ އަލީ ޚާނާއި ޝަހާނާ ގޮސްވާމީ އާއި ކްރިތިކާ ކަމްރާގެ އިތުރުން ޓީވީ ބަތަލާ ކަރިޝްމާ ތައްނާ ހިމެނެ އެވެ.

"ހަޝް ހަޝް" ގައި ކިޔައިދޭނީ ވަރަށް ހަމަޖެހިގެން ދިރިއުޅެމުން އައި ބަޔަކަށް ދިމާވާ ހިތާމަވެރި ކަންތައްތަކެއްގެ ވާހަކައެވެ.

މި ސީރީޒްގެ ޑައިރެކްޓަރަކީ ކުރިން ވަރަށް ކާމިޔާބު ފިލްމުތަކެއް ގެނެސްދިން ތަނޫޖާ ޗަންދުރާ އެވެ. ތަނޫޖާ އެންމެ ފަހުން ގެނެސްދިން ފިލްމަކީ ކުރީގެ އެކްޓަރު އިރުފާން ޚާންގެ 2017 "ގާރިބް ގާރިބް ސިންގަލް" އެވެ.

1986 ވަނަ އަހަރު ދެއްކި ފިލްމު "ސުލްތާނަތް" އިން ކުޑަ ރޯލަކުން ފުރަތަމަ ފަހަރަށް ފެނުނު ޖޫހީ ވަނީ ރީތި އެތައް ފިލްމެއް ބެލުންތެރިންނަށް ދޫކޮށްލާފައެވެ. 1988 ވަނަ އަހަރު ދެއްކި ފިލްމު "ގަޔާމަތް ސޭ ގަޔާމަތް" އަކީ ޖޫހީގެ ވަރަށް ފާހަގަކޮށްލެވޭ ފިލްމެކެވެ. މި ފިލްމުން އޭނާއަށް ވަނީ ފިލްމުފެއަރ އެވޯޑުވެސް ލިބިފައެވެ. މީގެއިތުރުން "ދީވާނާ މަސްތާނާ"، "އިޝްގު" އަދި "ޔެސް ބޮސް" އިންވެސް ޖޫހީ ވަނީ ފެނިފައެވެ.