ގިނަ ބައެއްގެ ތަރުހީބު ހޯދާފައިވާ ހޮލީވުޑްގެ މަޝްހޫރު އެކްޓަރު ޑެނިއަލް ރެޑްކްލިފްއަށް އޭނާގެ ފުރަތަމަ ޓޮނީ އެވޯޑް ލިބިއްޖެ އެވެ.

"މެރިލީ ވީ ރޯލް އެލޯންގް"ގައި ޑެނިއަލް ދައްކުވައިދީފައިވާ ރޯލަށް އޭނާއަށް ލިބިފައިވަނީ "ބެސްޓް ޕާފޯމަންސް އިން އަ ފީޗާޑް ރޯލް"ގެ އެވޯޑެވެ. 1981 ވަނަ އަހަރު ހަމަ އެ ނަމުގައި ނެރުނު މިއުޒިކަލްގެ ރީމޭކްގައި ޑެނިއަލް ކުޅެދީފައިވަނީ ޅެންވެރިއަކާއި ލަވަކިޔުންތެރިއެއްގެ ރޯލެވެ.

އެވޯޑު ގަބޫލު ކުރަމުން ޑެނިއަލް ބުނެފައިވަނީ އެ ފިލްމަކީ އޭނާގެ ހަޔާތުގައި ކުރެވުނު އެންމެ ތަފާތު ތަޖުރިބާ ކަމަށާއި އެ ހަނދާން އަބަދުވެސް ހުންނާނެ ކަމަށެވެ.

އެއާއެކު އޭނާއާއެކު އެ ފިލްމުގައި ހަރަކާތްތެރިވި ޓީމަށާއި އޭނާގެ އާއިލާއަށްވެސް ޑެނިއަލް ވަނީ ވާހަކައިގައި ޝުކުރު އަދާކޮށްފަ އެވެ. އާއްމުންގެ ތެރޭގައި ޑެނިއަލްގެ ނަން އާއްމުވީ ދިހަ އަހަރަށް ދެމިގެންދިޔަ ހެރީ ޕޯޓާ ފްރެންޗައިޒްގެ ފިލްމުތަކުންކަން ފާހަގަ ކޮށްލަންޖެހެ އެވެ.

އެ ޕްރޮޖެކްޓް ނިންމާލުމަށްފަހު ކުރި މަސައްކަތްތަކުން އޭނާއަށް ވަނީ މިދިޔަ އަހަރު އެމީ އެވޯޑް ނޮމިނޭޝަނެއް ވެސް ލިބިފަ އެވެ.