އައިޖީއެމްއެޗުގެ އިހުމާލުން ކުއްޖަކު މަރުވި މައްސަލައެއްގައި ކޯޓުން ބޭރުގައި ބަދަލު ދޭން އެއްބަސްވެއްޖެ އެވެ.

ސިވިލް ކޯޓަށް ދެމަފިރިއަކު މިދިޔަ އަހަރު މައްސަލަ ހުށަހެޅީ އައިޖީއެމްއެޗްގެ އިހުމާލުން އެ މީހުންގެ ދަރިފުޅު މަރުވުމުން މާލީ ގެއްލުމުގެ ބަދަލު ހޯދުމަށެވެ. ނަމަވެސް އެ ހާދިސާ ހިނގި ދުވަހެއް ސާފެއް ނުވެ އެވެ.

ސިވިލް ކޯޓުން މިދިޔަ ހަފުތާގައި ނިންމާފައިވަނީ އެ މައްސަލައިގައި ދެ ފަރާތުން ކޯޓުން ބޭރުން އެއްބަސްވުމަކަށް އައިސްފައި ވާތީ ދައުވާ ފޯމު ބާތިލްކޮށް، މައްސަލަ ނިންމާފައިވާ ކަމަށެވެ. ނަމަވެސް ދެ ފަރާތުން އެއްބަސްވީ ކިހާ މިންވަރަށް ކަން އެ ހުކުމުގައި ބުނެފައެއް ނުވެ އެވެ.

އެ މައްސަލާގައި ކޯޓުން ބޭރުން ބަދަލު ދޭން އެއްބަސްވިއިރު, ޏ. ފުވައްމުލަކު ހޮސްޕިޓަލްގެ އިހުމާލުން 2021 ވަނަ އަހަރު ކުއްޖަކު މަރުވި މައްސަލާގައި ކޯޓުން ބޭރުން އެފަދަ އެއްބަސްވުމަކަށް ދާން އާއިލާއިން އެދުމުން އެކަމަށް އެޓާނީ ޖެނެރަލްގެ އޮފީހުން ދެކޮޅު ހެދި އެވެ.