ބަންކަރިންގެ ހިދުމަތަށް އެމްޕީއެލް އިން ބާޖެއް
ލޯބިވެރިޔާ ބްލެކްމެއިލް ކުރި ފުލުހަކު ހައްޔަރުކޮށްފި
ޑޮލަރު މާރު ކުރުމާއި ދެކޮޅުހެދުމުން ރައީސްގެ ނުރުހުން
އެމްޑީޕީ ކައުންސިލަރުންގެ ކޮންފަރެންސް، "ލާމަރުކަޒީ ގުޅުން" ހދ. ކުޅުދުއްފުށީގައި މިއަދު ފަށައިފި އެވެ.
އުތުރުގެ ތިން އަތޮޅު، ހއ، ހދ، ށ ގައި ތިއްބެވި އެމްޑީޕީއަށް ނިސްބަތްވާ ކައުންސިލަރުންނާއި ޑަބްލިއުޑީސީގެ މެންބަރުންނަށް ހާއްސަކޮށް ކުރިއަށް ގެންދާ މި ކޮންފަރެންސްގައި ކުރީގެ ރައީސް އިބްރާހީމް މުހައްމަދު ސޯލިހް އާއި އެމްޑީޕީގެ ރައީސް އަބްދުﷲ ޝާހިދުގެ އިތުރުން އެމްޑީޕީގެ އިސް ބޭފުޅުންން ބައިވެރިވެ ވަޑައިގަތުމަށް ވަނީ ހަމަޖެހިފަ އެވެ.
މި ކޮންފަރެންސްގައި ރާއްޖޭގެ ފަސް ސިޓީގެ މޭޔަރުން ބައިވެރިވެ ވަޑައިގަންނަވާކަމަށް އެމްޑީޕީން ބުނެ އެވެ. އެ ގޮތުން މާލޭގެ މޭޔަރު އާދަމް އާޒިމް އާއި ކުޅުދުއްފުށި ސިޓީގެ މޭޔަރު މުހައްމަދު އާތިފުގެ އިތުރުން އައްޑޫ ސިޓީގެ މޭޔަރު އަލީ ނިޒާރު އާއި ފުވައްމުލަކު ސިޓީގެ މޭޔަރު އިސްމާއީލް ރަފީގު އަދި ތިނަދޫ ސިޓީގެ މޭޔަރު ސައުދު އަލީ ބައިވެރިވެ ވަޑައިގަންނަވަ އެވެ.
އެމްޑީޕީން ބުނީ މިއަދު ކުޅުދުއްފުށްޓަށް ޖަމާވަނީ ސަރުކާރުން ލާމަރުކަޒީ ނިޒާމު ހަލާކޮށްލުމަށް މިކުރާ މަސައްކަތާ ދެކޮޅަށް ކަމަށެވެ.
ކޮންފަރެންސްގައި އިގުރާރުވާ ކަންކަން ރަނގަޅު ކުރަން ސަރުކާރަށް ގޮވާލާނެ ކަމަށް އެމްޑީޕީގެ ޗެއާޕާސަން ފައްޔާޒު އިސްމާއީލް ވަނީ ވިދާޅުވެފަ އެވެ.
