މޮންގޯލިއާއިން އިނގިރޭސި ވިލާތަށް ސައިކަލުގައި ދަތުރުކޮށްފި
ވެރިކަން ވައްޓާލަން އުޅުނު ވާހަކަ އިންޑިއާއިން ދޮގުކޮށްފި
މާލެއިން 17،000 ޓަނުގެ ފެން ބޭރުކޮށްފި
އާ އަހަރުގެ ފުރަތަމަ ފަސް ދުވަހު ރާއްޖޭގެ ބޮޑު ބަޔަކަށް މޫސުން ގޯސްވާނެކަމަށް މޫސުމާބެހޭ ގައުމީ އިދާރާ، މެޓް އޮފީހުން ލަފާކޮށްފި އެވެ.
މެޓް އޮފީހުން މިއަދު ނެރުނު ބަޔާނެއްގައި ބުނެފައިވަނީ ޖެނުއަރީ 1 އިން ފެށިގެން 5 އާ ހަމައަށް ރާއްޖޭގެ ބޮޑު ބަޔަކަށް ގުގުރުމާއެކު ވިއްސާރަކޮށް އަދި ވަޔާއި ކަނޑު ގަދަވާނެކަމަށެވެ.
މޫސުން ގޯސްވާނެކަމަށް ލަފާކޮށްފައި މިވަނީ ސްރީ ލަންކާގެ އިރުދެކުނުގައި އުފެދިފައިވާ ކޮޅިގަނޑާއި އަދި ކޮޅިގަނޑާ ގުޅިފައިވާ ލޯޕްރެޝާ ޓްރަފްގެ ސަބަބުންކަމަށް މެޓުން ބުނެ އެވެ.
މި ކޮޅިގަނޑުގެ ސަބަބުން ޖެނުވަރީ 1 އިން 5 އަށް ރާއްޖޭގެ ބޮޑު ބަޔަކަށް ވިއްސާރަ ކުރާނެ ކަމަށް ލަފާކޮށްފައިވާއިރު، ބައެއް އަތޮޅުތަކަށް އުދަ އެރުމުގެ ފުރުސަތު އޮތް ކަމަށް ވެސް މެޓުން ލަފާކޮށްފައިވެ އެވެ.
މި ފަސް ދުވަހު ވައި ޖެހޭނީ އުތުރާއި މެދުރާއްޖެތެރޭގެ އަތޮޅުތަކަށް، އުތުރާއި އިރު އުތުރުން، ދެކުނުގެ އަތޮޅުތަކަށް ހުޅަނގާއި ހުޅަނގުއުތުރުން، ގަނޑިއަކު 15 މޭލާއި 25 މޭލާ ދެމެދުގެ ބާރުމިނުގައި ކަމަށާއި އަދި ވިލާގަނޑުގައި ގަޑިއަކު ގާތްގަނޑަކަށް 50 މޭލަށް ވައި ގަދަވާނެ ކަމަށް އެ އިދާރާގެ ބަޔާނުގައި ބުނެފައިވެ އެވެ.
އެހެންކަމުން ކަނޑުތައް އާންމު ގޮތެއްގައި ގަދަވާނެ އެވެ.
މެޓުން ވަނީ މި ބަންދުތެރޭގައި ދަތުރުކުރާއިރު މޫސުމަށް ބަލައިގެން ދަތުރުކުރުމަށް އިލްތިމާސްކޮށްފަ އެވެ.
