ބްލޭކްއާއި ޓޭލާގެ ގުޅުން ހީނަރުވަނީ!
ހުރާގައި ގަވާއިދާ ހިލާފަށް އުޅުނު ބިދޭސީންތަކެއް އަތުލައިގެންފި
މުންނިމް ހަޔާ އެޑިއުކޭޝަނަށް، ނާޒިމް ހެރިޓޭޖަށް ބަދަލުކޮށްފި
ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲއާއި ރައީސް ޑރ. މުހައްމަދު މުއިއްޒާ ދެމެދު އުފެދުނީ ބައިނޭޅުމުގެ މައްސަލައެއް ކަމަށް ކުރީގެ ރައީސް އަބްދުﷲ ޔާމީން ރޭ ތުހުމަތު ކުރައްވައިފި އެވެ.
ޓޫރިޒަމް މިނިސްޓަރުކަމުގައި ހުންނެވި އަބްދުއްރަހީމްގެ ދަރިކަލުން، އިބްރާހީމް ފައިސަލް މަގާމުން ވަކިކުރީ މިދިޔަ އަންގާރަ ދުވަހު އެވެ. ފައިސަލް މަގާމުން ވަކިކުރި ނަމަވެސް، އެކަމާ ގުޅޭ މާގިނަ މައުލޫމާތެއް ރައީސް އޮފީހުން ހާމަކޮށްފައެއް ނުވެ އެވެ.
މި ކަމާ ގުޅިގެން އަބްދުއްރަހީމްވަނީ، އެ މަނިކުފާނާއި ރައީސް މުއިއްޒާ ދެމެދު އޮތް ގުޅުން ރަނގަޅުނޫން ކަމަށް އެއްބަސްވެ ވަޑައިގެން، ފައިސަލްގެ ދިފާއުގައި ވާހަކަ ދައްކަވައިފަ އެވެ.
ރޭ ޕީއެންއެފުން ބޭއްވި ޖަލްސާގައި ޔާމީން ވަނީ ރައީސް މުއިއްޒު އިސްކޮށް ހުންނަވައިގެން ލ. އަތޮޅުން ރަށްތަކެއް ވިއްކައިލިކަމުގެ ތުހުމަތު ކުރައްވައިފަ އެވެ.
މި ކަމާ ގުޅިގެން ވާހަކަފުޅު ދައްކަވަމުން ޔާމީން ވިދާޅުވީ ރައީސް މުއިއްޒާއި އަބްދުއްރަހީމާ ދެމެދު ޖެހިފައި އޮތީ ބައިނޭޅުމުގެ މައްސަލައެއް ކަމަށާއި، މި މައްސަލަ ޝަރީއަތަށް ނުދާނެ ކަމަށެވެ. ޔާމީން ވިދާޅުވީ ރައީސް މުއިއްޒު ވަނީ މިހާރު މި މައްސަލަތައް ފުލުހަށް ވެސް ހުށަހަޅުއްވާފައި ކަމަށެވެ.
"ގަބޫލު ކުރައްވާ، މި ޝަރީއަތަކަށް ނުދާނެ. މި ފަހަރު އަބްދުއްރަހީމާ ފައިސަލްގެ ދަށްގޮހޮރުގައި އޮތް އެއްޗަށް ދަންދެން މުއިއްޒު އަތުލާނެ. ދިރުވާލާފައި ގޮހޮރުގެ އެންމެ އަޑީގައި އޮތް އެއްޗަށް ދަންދެން ހިފައި ނަގާނެ. މި އުޅެނީ ބައިނޭޅިގެން އުޅޭ މައްސަލަ ނޫންތޯ، ބައިނޭޅިގެން އުޅޭ މައްސަލަ މި އުޅެނީ،" ރައީސް ޔާމީން ވިދާޅުވި އެވެ.
ފައިސަލް ޓޫރިޒަމް މިނިސްޓަރު ކަމުން ވަކިކޮށްފައިވާކަން ރައީސް އޮފީހުން އަންގާރަ ދުވަހު އިއުލާން ކުރީ، މަޖިލިސް ޗުއްޓީގައި އޮތް މި ދުވަސްވަރު އަބްދުއްރަހީމް މެލޭޝިއާގައި ހުންނަވަނިކޮށެވެ.
ރައީސް މުއިއްޒު ވެރިކަމަށް ވަޑައިގެން މަޖިލީސް އިންތިޚާބުގެ ކުރީގައި އަބްދުއްރަހީމް ފުރަތަމަ އައްޔަންކުރެއްވީ ސީނިއާ މިނިސްޓަރެއްގެ ފެންވަރުގައި އެ މަނިކުފާނުގެ އެޑްވައިޒަރުގެ މަގާމަށެވެ.
އެއަށް ފަހު، މަޖިލީސް އިންތިޚާބުގައި ޕީއެންސީން ހޯދި ސުޕަމެޖޯރިޓީއާ އެކު މަޖިލީހުގެ ރައީސް ކަމަށް އަބްދުއްރަޙީމް އިންތިޚާބު ކޮށްފައި ވަނީ ވެސް ރައީސްގެ އެދިވަޑައިގަތުމަކަށެވެ. ޕީއެންސީގެ ހަރުގެ ޖަލްސާތަކުގައި ވެސް ސަރުކާރުގެ ދިފާއުގައި އެންމެ ގަދައަށް ވާހަކަދައްކަވާ އެއް ބޭފުޅަކީ މަޖިލީހުގެ ރައީސް އަބްދުއްރަހީމެވެ.
އަބްދުއްރަހީމަކީ ކުރިން ރައީސް ޔާމީންގެ އެންމެ އަރިސް އެއް ބޭފުޅާ އެވެ. ނަމަވެސް އެ ދެ ބޭފުޅުންގެ ގުޅުން ގޯސްވީ ރިޔާސީ އިންތިޚާބުގެ ތެރޭގަ އެވެ.
