އީރާނަށް ބޮން އަޅާނެ ކަމުގެ އިންޒާރު އެމެރިކާގެ ރައީސް ޑޮނަލްޑް ޓްރަމްޕް ދެއްވައިފި އެވެ.

ޓްރަމްޕް ވިދާޅުވީ އީރާނުގެ ނިއުކްލިއާ ޕްރޮގްރާމާ ގުޅޭ ގޮތުން ވޮޝިންޓަން އާއެކު އެއްބަސްވުމަކަށް ނާދެވިއްޖެ ނަމަ އީރާނަށް ބޮން އަޅާނެކަމުގެ އިންޒާރު ދެއްވާ ކަމަށެވެ.

އީރާނުން އެމަރިކާ އާއެކު ސީދާ މަޝްވަރާތަކަށް ދެކޮޅު ހެދި ފަހުން ޓްރަމްޕް ފުރަތަމަ ފަހަރަށް ހަފުތާ ބަންދުގައި އެންބީސީ ނިއުސްއަށް ދެއްވި އިންޓަވިއުއެއްގައި ވިދާޅުވީ އީރާނުގެ ނިއުކްލިއާ ޕްރޮގްރާމާ މެދު އެއްބަސްވުމަކަށް ނާދެވިއްޖެ ނަމަ ބޮންއަޅައި އިތުރު ޓެރިފްތައް ހުށަހަޅާނެ ކަމަށެވެ.

ޓްރަމްޕްގެ ފުރަތަމަ ދައުރުގައި އީރާނާއި ދުނިޔޭގެ ބާރުތަކާ ދެމެދު 2015 ވަނަ އަހަރު ހެދި އެއްބަސްވުމުން އެމެރިކާ ވަކިވީ ދަތިކުރުމުގެ ފިޔަވަޅުތަކަށް ލުޔެއް ދިނުމުގެ ބަދަލުގައި އީރާނުން ދެބަސްވާ ނިއުކްލިއާ ހަރަކާތްތަކަށް ހަރުކަށި ލިމިޓްތަކެއް ކަނޑައަޅައިގެންނެވެ. ސުލްހަވެރި ބޭނުމަށް ނިއުކްލިއާ ހަކަތަ ބޭނުންވާ ކަމަށް އީރާނުން ބުނަމުން އަންނަ އިރު، އެޓޮމިކް ބޮމެއް ހަދަން މަސައްކަތް ކުރާ ކަމަށް އީރާނުން ވަނީ ބުނެފަ އެވެ.

ރިޔާބްކޯވް ވިދާޅުވީ ޓްރަމްޕް ދާދި ފަހުން ދެއްކެވި ވާހަކަފުޅުތަކުގެ ސަބަބުން ހަމައެކަނި އީރާނާ ގުޅޭ ގޮތުން ހާލަތު ގޯސްވެގެން ދިޔަ ކަމަށެވެ.

ޓްރަމްޕްގެ މި އިންޒާރާއެކު އީރާނުގެ ނިއުކްލިއާ އިންފްރާސްޓްރަކްޗާއާ ދެކޮޅަށް ދޭ ހަމަލާތަކުގެ ސަބަބުން ނުރައްކާތެރި ނަތީޖާއެއް ނުކުންނާނެކަމުގެ އިންޒާރު ރަޝިޔާ އިން ވަނީ ދީފަ އެވެ.

ރަޝިއާގެ ޚާރިޖީ ވަޒީރުގެ ނައިބު ސަރްގެއި ރިޔާބްކޯވް ރަޝިއާގެ ޖާނަލް "އިންޓަނޭޝަނަލް އެފެއާޒް" އަށް ދެއްވި އިންޓަވިއުއެއްގައި ވިދާޅުވީ އިންޒާރުތަކުގެ އަޑު ހަގީގަތުގައި ވެސް އިވެމުންދާ ކަމަށާއި، އަލްޓިމޭޓަމްގެ އަޑުވެސް އިވެމުންދާ ކަމަށެވެ.

ޓްރަމްޕަށް ފާޑުކިއުމުން ފޭއަށް ޖެހި، ރަޝިއާގެ ރައީސް ވްލަޑިމިއަ ޕޫޓިން ގެންދަވަނީ ޓްރަމްޕް އާ ގާތްގުޅުމެއް ބޭއްވުމަށް މަސައްކަތް ކުރައްވަމުންނެވެ. އަދި މިއީ ޔޫކްރެއިން އަދި ވިލާތާއި ގާތްގުޅުން އޮންނަ ގައުމުގެތަކުގެ ބޮޑު ކަންބޮޑުވުމެކެވެ. މީގެ އިތުރުން ރަޝިއާއިން ވަނީ ގުޅުން ގޯސްވެފައިވާ އީރާނާއި އެމެރިކާގެ މެދުވެރިއަކަށް ވުމަށް ވެސް ހުށަހަޅާފަ އެވެ.