އީ ފާސް މެދުވެރިކޮށް ކުރިއަށް އޮތް ކައުންސިލް އިންތިހާބަށް ކުރިމަތިލުމުގެ ކަންކަން ކުރާތީ އިލެކްޝަންސް ކޮމިޝަން (އީސީ)އާ ދެކޮޅަށް ދައުވާ ކުރާނެ ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެ އެވެ.

ޕީއެންއެފްއިން ރޭ ބޭއްވި ޖަލްސާގައި ޔާމީން ވިދާޅުވީ، ޓެކްނޮލޮޖީގެ ވަސީލަތްތަކަކީ ކިތާބީ ހެކި ނުވަތަ ޝަފަހީ ހެއްކަށް ބާރުދޭ ހެކި ނެތި ޝަރީއަތުގެ މަޖިލީހުގައި ވެސް ބަލައިގަންނަ އެއްޗެއް ނޫން ކަމަށެވެ. އެހެންކަމުން، ހަމައެކަނި އީ ފާސް މެދުވެރިކޮށް އިންތިހާބަށް ކުރިމަތިލެވޭގޮތް ނެހެދޭނެ ކަމަށް އެމަނިކުފާނު ވިދާޅުވި އެވެ.

ޔާމީން ވިދާޅުވީ އިންތިހާބާ ގުޅޭ މައްސަލައެއް ދިމާވެގެން ކޯޓަށް ހުށަހަޅަންޖެހިއްޖެނަމަ ބޭނުންވަނީ ވެސް ކަރުދާސް ހެކި ކަމަށެވެ.

"އެހެންވީމާ ކަރުދާސް ފޯމު ފުރާ ފުރުން ނައްތާލެވޭނެ ގޮތެއް އޮންނާނެ ހެއްޔެވެ؟ އަދި އެއެއް ނެތް. އޮންނާނީ ހަމައެކަނި އެންމެ ގޮތެއް. އެއީ ގާނޫނަށް އިސްލާހު ގެނައުން. އެކަމެއް ކޮށްފައެއް ނެތް. އެހެންވީމާ ވަކީލު ޑރ. ޖަމީލުގެ ލަފާގެ މަތިން އަޅުގަނޑުމެން މިއުޅެނީ މި މައްސަލަތައް ހިފައިގެން ކޯޓަށް ދާން،" ޔާމީން ވިދާޅުވި އެވެ.

އަމިއްލަ ގޮތުން ވާދަކުރައްވާ ބޭފުޅުން އީފާސް މެދުވެރިކޮށް 50 މީހުންގެ ތާއީދު ހޯދަން ޖެހުަމަކީ އެއްވެސް ގާނޫނަކުން ތަންދޭ ކަމެއް ނޫން ކަމަށް ގާނޫނީ ވަކީލު އަލީ ޝާހު ރޭގެ ޖަލްސާގައި ވިދާޅުވި އެވެ.

ޔާމީން ވިދާޅުވިގޮތުގައި އިލެކްޝަންސް ކޮމިޝަނުން ހިންގަނީ ދުސްތޫރީ ބޮޑު ޖަރީމާއެކެވެ.

ފަދަ ކަންކަމުގެ ކަންބޮޑުވުން އެ ބޭފުޅުން ފާޅުކުރެއްވި އެވެ. އެއީ އެއްވެސް ގާނޫނަކުން ތަންދޭ ކަމެއް ނޫން ކަމަށާއި "ދުސްތޫރީ ބޮޑު ޖަރީމާއެއް" ކަމަށް ސިފަކުރެއްވި އެެވެ."މި ކަންކަމަށް ޗެލެންޖުކޮށްފައި އަޅުގަނޑުމެން ކޯޓަށް މި ވަންނަނީ. އެއީ އަޅުގަނޑުމެން ކުރާނީ އެ މަސައްކަތް. އަޅުގަނޑުމެން ކޯޓުން އިރާދަކުރެއްވިއްޔާ [އިންތިހާބާ] ދެމެދު މުއްދަތު އޮވެއްޖެއްޔާ މިކަން ނިންމާނަން. އިރާދަކުރެއްވިއްޔާ ކާމިޔާބުވާނެ،" ޔާމީން ވިދާޅުވި އެވެ.