އިތުރު 127 މީހުން ކޮވިޑަށް ޕޮޒިޓިވްވެފައިވާ ކަމަށް އެޗްޕީއޭ އިން އިއުލާންކޮށްފި އެވެ.

އެޗްޕީއޭ އިން މިރޭ އާންމުކުރި ތަފާސް ހިސާބުތައް ދައްކާގޮތުން މާލެ ސަރަހައްދުން ޕޮޒިޓިވްވެފައި ވަނީ 26 މީހުންނެވެ. އަތޮޅުތަކުގެ ރަށްތަކުން 79 މީހަކު ޕޮޒިޓިވްވިއިރު، ރިސޯޓްތަކުން 6 މީހަކާއި ރިސޯޓެއްގެ ގޮތުގައި ތަރައްގީ ކުރާ ރަށަކުން ތިން މީހެއްގެ އިތުރުން ސިނާއީ މަސައްކަތް ކުރާ ރަށަކުން 13 ވަނީ ޕޮޒިޓިވްވެފަ އެވެ. ސިނާއީ މަސައްކަތް ކުރާ ރަށަކުން ޕޮޒިޓިވްވީ ގއ. ކޫއްޑުއިންނެވެ.

ރާއްޖެއިން މިހާތަނަށް ކޮވިޑް ޖެހިފައި ވަނީ ޖުމްލަ 74،351 މީހުންނަށެވެ. އެކްޓިވް ކޭސްގެ އަދަދު 3،237 ގައި މިހާރު ހުރިއިރު 70889 މީހުން ވަނީ މިހާތަނަށް މިބަލިން ރަނގަޅުވެފަ އެވެ.

މި ބަލި ޖެހިފައިވާ 21 މީހަކަށް ހޮސްޕިޓަލްތަކުގައި ދަނީ ފަރުވާ ދެމުންނެވެ. މި ބަލީގައި ރާއްޖެއިން މިހާތަނަށް 213 މީހަކު ވަނީ މަރުވެފަ އެވެ.

މާލެއިން ޕޮޒިޓިވްވި އަދަދުތައް ވަރަށް ބޮޑަށް ދަށްވެފައިވާއިރު، ފާއިތުވި ހަ މަހުގެ ތެރޭގައި ވެސް މިވަރަށް ދަށްވެފައެއް ނުވެ އެވެ.