ސްކާލެޓް ޖޮހަންސަންގެ މާވެލް ސިނަމެޓިކް ޔުނިވާސް (އެމްސީޔޫ)ގެ ފިލްމު "ބްލެކްވިޑޯ" ރިލީޒްކޮށްފި އެވެ.

ނޯތް އެމެރިކާ އާއި އެހެން ގައުމުތަކުގައި ބްލެކްވިޑޯ ރިލީޒް ކޮށްފައިވާއިރު، އިންޑިއާގައި މި ފިލްމު ރިލީޒް ކުރާނެ ތާރީހެއް ނޭނގޭތީ ތިބީ މާޔޫސްވެފަ އެވެ.

އެހެން ގައުމުތަކާ އެއް ދުވަހެއްގައި އިންޑިއާގައި ފިލްމުގެ ރިލީޒްކުރުމަށް ހަމަޖެހިފައިވީ ނަމަވެސް، ފިލްމު އުފައްދާ ފަރާތުން އިންޑިއާގައި މި ފިލްމު ރިލީޒްނުކުރުމުގެ އެންމެ ބޮޑުއެއް ސަބަބަކީ ކޮވިޑް-19ގެ ދެވަނަ ރާޅެވެ.

ފިލްމް ސްޓްރީމްކުރަން ހަމަޖެހިފައި ވަނީ އޮކްޓޯބަރު މަހުގެ 8 ވަނަ ދުވަހު ޑިޒްނީ ޕްލަސް ހޮޓް ސްޓާ އިންނެވެ. މިގޮތަށް ހަމަޖައްސާފައިވަނީ ޑިޒްނީ ޕްލަސް ހޮޓް ސްޓާގައި ޕްރިމިއާކުރެވޭ ގޮތަށް އުސޫލެއް ކަނޑައެޅިފައި ނުވުމުންނެވެ.

ކޮވިޑް ޕެންޑަމިކް އާ ގުޅިގެން "މުލަން" ވެސް ވަނީ ތިއޭޓަރުގައި ރިލީޒް ކުރެވޭނެ ގޮތް ނުވެފަ އެވެ.

"މުލާން" ވަނީ ހަމައެކަނި ޑިޒްނީ ޕްލަސްގައި ރިލީޒް ކޮށްފަ އެވެ. މިހާތަނަށް ތިއޭޓަރުތަކާއެކު އޯޓީޓީ ޕްލެޓްފޯމްތަކުގައި ރިލީޒް ކުރި ފިލްމުތަކަށް ބަލާއިރު "ކުރޫއެއްލާ", "ބްލެކް ވިޑޯ" އަދި "ޖަންގަލް ކުރޫސް" ހިމެނެ އެވެ.

ޑިޒްނީ ޕްލަސް ހޮޓް ސްޓާގައި ފިލްމުތައް ރިލީޒް ކުރެވެން އަންނަނީ ސްޓޫޑިއޯގައި ހިލޭ ޕްރިމިއާ އެކްސެސް ކުރެވޭ ގޮތަށް ހަދާތާ މަސްތަކެއް ފަހުންނެވެ. މިހެންވެ އިންޑިއާގެ ސަޕޯޓަރުން "ބްލެކް ވިޑޯ" ބަލާލުމަށް އަދި ކުޑަ އިންތިޒާރެއް ކުރަންޖެހޭނެ އެވެ.