އެމްޑީޕީގެ ގައުމީ މަޖިލީހުގެ އިންތިހާބުގައި އެކި ދާއިރާތަކުގެ ގޮނޑިތަކަށް ކުރިމަތިލި ކެންޑިޑޭޓުންގެ ތެރެއިން 165 ކެންޑިޑޭޓަކު އިންތިހާބުގެ ވޯޓަކާއި ނުލާ މަގާމުތަކަށް ހޮވިއްޖެ އެވެ.

އެމްޑީޕީން ވަނީ އެ އިންތިހާބުގައި އެންމެ ކެންޑިޑޭޓެއް ކުރިމަތިލުމުން އިންތިހާބަކާއި ނުލައި ހޮވުނު ކެންޑިޑޭޓުންގެ ލިސްޓު އާންމުކޮށްފަ އެވެ. އެގޮތުން އިންތިހާބަކާ ނުލާ 165 ކެންޑިޑޭޓަކު ވަނީ ހޮވިފަ އެވެ.

އެމްޑީޕީގެ ގައުމީ މަޖިލީހުގެ އިންތިހާބު އޮންނާނީ މި މަހުގެ 25 ވަނަ ދުވަހު އެވެ. މި އިންތިހާބުގެ ވާދަވެރިކަން އެމްޑީޕީގެ އެތެރޭގައި ބޮޑުވެފައިވާއިރު މި އިންތިހާބުގައި 733 މީހަކު ވާދަކުރެ އެވެ.

މި އިންތިހާބުގައި ރާއްޖޭގެ އެކި ދާއިރާތަކުގައި ގާތްގަނޑަކަށް 300 ވޯޓު ފޮށި ބަހައްޓާނެ އެވެ. އެމްޑީޕީން ބުނާ ގޮތުގައި އެޕާޓީގެ ދަފްތަރުގައި މިވަގުތު ތިބީ 93،0354 މެމްބަރުނެވެ.