ބޮލީވުޑްގެ މަޝްހޫރު ތަރި ޝާހިދު ކަޕޫރުގެ ފުރަތަމަ ފިލްމު "އިޝްގު ވިޝްގު"ގެ ދެ ވަނަ ބައެއް އުފައްދަން ނިންމައިފި އެވެ.

2003 ވަނަ އަހަރު ނިކުތް "އިޝްގު ވިޝްގު" ގައި ފެނިގެން ގޮސްފައިވަނީ ޝާހިދު ކަޕޫރާއި އަމްރިތާ ރާއޯ އެވެ.

ފިލްމުގެ ޕްރޮޑިއުސަރު ރިމޭޝް ތައުރާނީ މިހާރު ވަނީ އެ ފިލްމުގެ ދެވަނަ ބައެއް ގެނެސްދޭން ނިންމައި، އެކަން އިއުލާނު ކޮށްފަ އެވެ.

https://www.instagram.com/p/CeSxvSWgvF9/

ފިލްމުގެ ދެވަނަ ބަޔަށް ދީފައިވާ ނަމަކީ "އިޝްގް ވިޝްކް ރިބޯންޑް" އެވެ. މިފިލްމުގައި ފެނިގެންދާނީ 'ޑިއާ ޒިންދަގީ' އަދި 'ސްކައި އިސް ޕިންކް' އިން ފެނުނު ތަރި ރޯހިތު ޝަރަފް އާއި ރިތިކްގެ އާއިލާގެ މެންބަރެއް ކަމަށްވާ ޕަޝިމާ ރޯޝަންގެ އިތުރުން "ކަބީ ހުޝީ ކަބީ ގަމް" ގައި ޝާހުރުކް ހާނާއި ކާޖޮލްގެ ދަރީގެ ރޯލުން ފެނިގެންދިޔަ ޖިބްރާން ހާނާއި ނައިލާ ގްރެވާލް އެވެ.

https://www.instagram.com/p/CeTEm1YKGnM/

"އިޝްގު ވިޝްގު"އަކީ ކުޑައިރުގެ ގާތް ދެ ރައްޓެހިން ޒުވާން ދުވަސްވަރަށް އަޅާއިރު އެކަކު އަނެކަކު ދެކެ ލޯބިވެވި، ހިނގާ ކަންތައްތަކެއް ދައްކައިދޭ ފިލްމެކެވެ.

https://www.instagram.com/p/CeTFm48pg33/

"އިޝްގު ވިޝްގު ރިބައުންޑް"އަކީ މި ޒަމާނުގެ ކުލަތަކާއި ރަހަތަކާއެކު ޒުވާނުންނަށް ކަމުދާނެ ފިލްމަކަށް ވާނެ ކަމަށް ބުނެފައިވެ އެވެ.

ފިލްމުގެ ޝޫޓިންތައް މިހާރު ފަށާފައިވާއިރު ފިލްމު ރިލީޒްކުރާނީ އަންނަ އަހަރު އެވެ.