ފާއިތުވި 24 ގަޑިއިރުގެ ތެރޭގައި ނެގި 2،267 ސާމްޕަލުން އިތުރު 39 މީހަކު ރާއްޖެއިން ކޮވިޑަށް ޕޮޒިޓިވްވެއްޖެ އެވެ.

މިއަދު ޕޮޒިޓިވްވި މީހުންގެ ތެރެއިން 37 މީހުންނަކީ މާލެ ސަރަހައްދުން ޕޮޒިޓިވްވި މީހުންނެވެ.

ރާއްޖެއިން ކޮވިޑަށް ޕޮޒިޓިވްވި ޖުމްލަ އަދަދު މިހާރު ވަނީ 13،198 އަށް އަރާފަ އެވެ.

މި ބަލިން ރަނގަޅުވި މީހުންގެ އަދަދު މިހާރު ވަނީ 12،321 އަށް އަރާފައެވެ. މި ބަލީގައި މިހާތަނަށް 47 މީހަކު ވަނީ ރާއްޖެއިން މަރުވެފަ އެވެ.

މިއަދުގެ ޕޮޒިޓިވް ކޭސްތަކާ ގުޅޭ އިތުރު ތަފްސީލް އެޗްޕީއޭ އިން އަދި ހާމައެއް ނުކުރެ އެވެ.