ބޮލީވުޑްގެ ތަރިން ކަމަށްވާ އަލީ ފަޒަލް އާއި ރިޗާ ޗައްދާގެ ކައިވެނި ކޮށްފި އެވެ.

ކޮވިޑާ ހެދި މީގެ ދެ އަހަރު ކުރިން ކައިވެނި ފަސްކުރި ބޮލީވުޑްގެ ދެ ތަރިން ކަމަށްވާ އަލީ ފަޒަލް އާއި ރިޗާ ޗައްޑާ ކައިވެނީގެ ހަފުލާ އޮތީ އިއްޔެ ހެނދުނު ލަކްނޯގަ އެވެ. އަލީ އާއި ރިޗާ މިއަދު ކައިވެނީގެ ގޮށްޖަހާލި އިރު، ދެ ތަރިންގެ ކައިވެނީގެ ހަފުލާތައް ނިއު ދިއްލީގައި ފެށިތާ ތިން ދުވަސް ވަނީ ވެފަ އެވެ.

ހަތް އަހަރުގެ ދިގު މުއްދަތެއްގައި ރައްޓެހިވެގެން އުޅުނު އަލީ އާއި ރިޗާ ދިމާވީ 2012 ވަނަ އަހަރު، "ފުކްރޭ"ގެ ސެޓުންނެވެ.

އަލީ އާއި ރިޗާ.

ރިޗާ، 35، މިދިޔަ އަހަރު ބުނެފައިވާ ގޮތުގައި އަލީ، 35، އޭނަ އަށް ޕްރޮޕޯސްކުރީ ދެ ތަރިން އެކީގައި 2018 ގައި ރާއްޖެ އަށް ކުރި ޗުއްޓީ ދަތުރުގެ ތެރޭގަ އެވެ. އަލީ އާއި ރިޗާ ކައިވެނިކުރި އިރު، ދެ ތަރީން އެކީގައި ފެންނާނެ ފިލްމެއް ވެސް ކުރިއަށް އެބައޮތެވެ. އެއީ "ފުކްރޭ" ސީރީޒްގެ ތިން ވަނަ ފިލްމެވެ. އޭގައި ޝޫޓިން ނިންމާފައި އޮތަސް ރިލީޒްކުރާނެ ތާރީހެއް އަދި ހާމައެއްނުކުރެ އެވެ.

އަލީ އާއި ރިޗާ.

އަލީ އާއި ރިޗާގެ ކައިވެނީގެ ރިސެޕްޝަން ރޭ މުމްބާއީގައި ބާއްވަން ހަމަޖެހިފައިވެ އެވެ. ދައުވަތު ދީފައިވާ ތަރިންގެ ތެރޭގައި ވިކީ ކޯޝަލް، އަޔޫޝްމަން ކްރާނާ، ހުމާ ގްރޭޝީ، ވިދިޔާ ބަލަން، ކަރަން ޖޯހަރް، ސަންޖޭ ދަތު އަދި ތާޕްސީ ޕައްނޫ ފަދަ ތަރިން ހިމެނެ އެވެ.