މިހާރު ކުރިއަށްދާ ބޮލީވުޑްގެ ޓޯކް ޝޯ "ކޮފީ ވިތު ކަރަން"ގެ އެންމެ ފަހުގެ އެޕިސޯޑުގެ މެހެމާނުންގެ ގޮތުގައި އެކްޓަރު ސައިފް އަލީ ޚާންއާއި އޭނާގެ މަންމަ، ކުރީގެ އެކްޓްރެސް ޝަރުމީލާ ޓެގޯރު ފެނިގެން ގޮސްފި އެވެ.

އެ ދެމީހުންގެ އެޕިސޯޑު މިހާރު ދައްކާފައިރު އެ ޝޯގެ ތެރެއިން ބޮލީވުޑްގެ ޝާހީ އާއިލާ ކަމަށްވާ ނަވާބް އާއިލާގެ ގިނަ ވާހަކަތަކެއް އެނގިގެންދެ އެވެ.

އެގޮތުން ޝަރްމީލާ ވަނީ ސައިފްގެ ކުޑައިރުގެ ހަނދާންތަކާއި ފުރާވަރު އުމުރުގެ ލޯބީގެ ގުޅުންތަކާ ބެހޭ ސިއްރުތައް ވެސް ހާމަކޮށްފަ އެވެ.

އެގޮތުން ޝަރްމީލާ ބުނީ އެއާލައިނެއްގައި މަސައްކަތްކުރާ އެއާ ހޮސްޓަކާ ވާހަކަ ދައްކަން ހަދައިގެން ސައިފް ޔުނިވާސިޓީއަށް ދާން އޮތް ފްލައިޓް ކަޓައި ގަޑިއަށް ޔުނިވާސިޓީއަށް ވެސް ނުދެވުނު ކަމަށެވެ.

ސައިފްއަކީ ޝަރްމީލާއާއި ޕަތޯޑީގެ ނަވާބް މަންސޫރު އަލީ ޚާންގެ ކައިވެންޏަށް ލިބުނު ހަމައެކަނި ފިރިހެން ދަރި އެވެ. ސައިފްގެ އިތުރުން އެ އާއިލާގައި އިތުރު ދެ އަންހެން ކުދިން ތިބެ އެވެ.