ދާދި ފަހުން ކައިވެނިކުރި އަރްބާޒް ޚާން އޭނާގެ ކައިވެނީގެ ވާހަކަ އާއިލާއާ އެހާ ބޮޑަށް ހިއްސާ ނުކުރާ ކަމަށް އަރްބާޒްގެ ބައްޕަ ސަލީމް ޚާން ބުނެފި އެވެ.

އިންޑިއާގެ ނޫހަކަށް ދިން އިންޓަވިއުއެއްގައި ބުނެފައިވަނީ އޭނާގެ ހުރިހާ ދަރިންނަކީ ވެސް ބޮޑުވެފައި ތިބި މީހުން ކަމަށާއި އެމީހުންގެ އަމިއްލަ ނިންމުންތައް ނިންމުމުގެ މިނިވަންކަން އޮންނާނެ ކަމަށެވެ.

އާއިލާއާ މަޝްވަރާ ކުރެވުނުތޯ ސުވާލު ކުރެވުމުން ސަލީމް ބުނީ އެއީ ކޮންމެހެން ކުރަން ޖެހޭ ކަމެއް ނޫން ކަމަށާއި އެމީހުންގެ ޒާތީ ދިރިއުޅުން އެހެން މީހުންނާ މަޝްވަރާ ކުރުމަކީ މުހިއްމު ކަމެއް ނޫން ކަމަށެވެ.

ސަލީމް އިތުރަށް ބުނީ ލޯތްބަށް ދެވަނަ ފުރުސަތެއް ދިނުމަކީ ކުށެއް ނޫން ކަމަށާއި ދަރިފުޅަށް އާ ހަޔާތެއް ލިބުނީތީ އުފާކުރާ ކަމަށެވެ.

މޭކަޕް އާޓިސްޓް ޝުރާ ޚާންއާ އަރްބާޒް ކައިވެނިކުރީ ޑިސެމްބަރު 24ގައި ބޭއްވި ނިކާހް ހަފްލާއެއްގަ އެވެ. މީގެ ކުރިން އަރުބާޒް ކައިވެނި ކޮށްގެން އުޅުނީ އެކްޓްރެސް މަލައިކާ އަރޯރާއާ އެވެ.