މަހޭޝް ބަޓްގެ ފިލްމު ފްރެންޗައިޒް އާޝިގީގެ ތިންވަނަ ފިލްމުގެ އަންހެން ތަރިއަކަށް ބޮލީވުޑަށް އަލަށް ތައާރަފްވި ޓްރިޕްތީ ޑިމްރީ ހަމަޖެހިފައިވާ ކަމަށް ހަބަރުތައް ބުނެފި އެވެ.

އިންޑިއާގެ ނޫސްތަކުން ބުނާ ގޮތުގައި އާޝިގީ 3ގެ އަންހެން ލީޑު ރޯލު ޓްރިޕްތީއަށް ހުށައެޅިފައިވާއިރު އެ ހުށައެޅުން އޭނާ ވަނީ ގަބޫލުވެސް ކޮށްފަ އެވެ.

އެހެން ނަމަވެސް އެކަމުގެ އެއްވެސް ޔަގީން ކަމެއް ފިލްމުގެ އުފެއްދުންތެރިން ވެސް އަދި ޓްރިޕްތީ ވެސް ދީފައެއް ނުވެ އެވެ. އެހެނެއް ކަމަކު މަހޭޝް ބަޓްވަނީ އެއީ ދޮގެއް ކަމަށް ދޭހަވާ އިޝާރާތެއް ކޮށްފަ އެވެ.

ޓްރިޕްތީ މަޝްހޫރު ވެފައިވަނީ މިއަހަރު ނުކުތް ފިލްމު "އެނިމަލް"ގައި ރަންބީރު ކަޕޫރުއާއެކު އޭނާ ދައްކައިދިން އެކްޓިން އިންނެވެ. އެއީ އޭނާގެ ފުރަތަމަ ބޮލީވުޑް ފިލްމެވެ.

މީގެ ކުރިން އާއްމުވި ރިޕޯޓުތައް ބުނާ ގޮތުގައި އާޝިގީ 3ގެ ފިރިހެން ލީޑަކަށް ހަމަޖެހިފައިވަނީ ޒުވާން ތަރި ކާތިކް އާރްޔަން އެވެ.

އާޝިގީގެ އެއްވަނަ ބައިގައި ރާހުލް ރޯއީއާއި އަނޫ އަގަރްވާލް ފެނުނުއިރު ދެވަނަ ބައިން ފެނުނީ އަދިތުޔާ ރޯއީ ކަޕޫރުއާއި ޝްރައްދާ ކަޕޫރެވެ.