37 އަހަރުގެ ރަންބީރު ކަޕޫރަކީ މުސްކުޅި މީހެއް ކަމަށް ބުނެ 36 އަހަރުގައި ޚުދު އޭނާއަކީ "ޒުވާން އަންހެނެއް" ކަމަށް ބުނުމުން ކަންގަނާ ރަނޯޓްއަށް ފާޑުކިޔުން އަމާޒުވެއްޖެ އެވެ.

ދާދި ފަހުން ކަަންގަނާގެ އިންސްޓަގްރާމްގެ ސްޓޯރީގައި ހިއްސާކުރި ޕޯސްޓެއްގައި ބުނެފައިވަނީ އޭނާ ފަދަ ޒުވާން އަންހެނަކާއި ކައިވެނި ކޮށްގެން އުޅޭ މީހަކާ އަޅުވާ ކިޔުމަކީ ރަނގަޅު ކަމެއް ނޫން ކަމަށެވެ.

މިޕޯސްޓުން އާއްމުންނަށް ފާހަގަވި ކަމަކީ ކަންގަނާ އޭނާގެ އަމިއްލަ ނަފްސާ މުހާތަބުކޮށް "ޒުވާން އަންހެނާ" އޭ ބުނުމުންނެވެ. އެހެން ނަމަވެސް ކަންގަނާ ވަނީ ހަމަ އޭނާއާ ގާތްގަނޑަކަށް އެއް އުމުރުގެ ރަންބީރު ކަޕޫރަކީ މުސްކުޅިއެއް ކަމަށް ބުނެފަ އެވެ.

އެހެން ކަމުން ކަންގަނާގެ ވާހަކަތަކަކީ ވަރަށް ދެފުށް ދެގޮތް ތަފާތު ކުރުން ބޮޑު ވާހަކަތަކެއް ކަމަށް ބުނެ ގިނަ ބަޔަކު އޭނާއަށް ދަނީ ސޯޝަލް މީޑިއާގައި ފާޑުކިޔަމުންނެވެ.

ފިލްމީ މަސައްކަތްތަކަށް ބަލާއިރު އެންމެ ފަހުން ކަންގަނާ ފެނިގެން ދިޔައީ "ތޭޖަސް"އިންނެވެ. އޭނާގެ ކުރިއަށް އޮތް ފިލްމަކީ "އެމަޖެންސީ" އެވެ.