ބޮލީވުޑްގެ އެކްޓަރު ކަރަން ސިންހް ގްރޯވާ މިހާރު އަންނަނީ އޭނާގެ އެންމެ ފަހުގެ ފިލްމު "ފައިޓާ"އަށް ލިބެމުން އަންނަ ކާމިޔާބީ ފާހަގަ ކުރަމުންނެވެ.

މިކަންކަމުގެ ތެރެއިން ކަރަން މީޑިއާއަށް ދިން އިންޓަވިއުއެއްގައި އޭނާ މިވަނީ އޭނާއާއި ބިޕާޝާ ބާސޫގެ ދަރިފުޅު ދޭވީގެ ސާޖަރީއާ ބެހޭ ގޮތުން ވާހަކަ ދައްކާފަ އެވެ.

ކަރަން ބުނީ ދޭވީ އުފަންވިއިރު އޭނާގެ ހިތުގައި ދެ ލޯވަޅު ހުރި ކަމަށާއި އެހެން ކަމުން އޯޕަން ހާޓް ސާޖަރީއެއް ކުރަން ޖެހުނު ކަމަށެވެ.

އެހެން ނަމަވެސް ދަރިފުޅުގެ ސާޖަރީއަށް ފަސް ދުވަސް ނުވަނީސް ފައިޓާގެ ޝޫޓިންއަށް އޭނާ ދާން ޖެހުނު ކަމަށް ވެސް ކަރަން ބުންޏެވެ.

އެ ދުވަސްވަރު އަންހެނުން ބިޕާޝާގެ ފަރާތުން އޭނާއަށް އެއްބާރުލުން ލިބުނު ކަމަށް ބުނަމުން ކަރަން އިތުރަށް ބުނީ އެ ދުވަސްވަރު ދަރިފުޅުގެ ހުރިހާ ކަމެއް ބެލެހެއްޓީ ބިޕާޝާ ކަމަށެވެ.

މިހާރު އުމުރުން އެއް އަހަރުގެ ދޭވީއަކީ "ފައިޓާ"އެއް ކަމަށާއި މިހާރު އޭނާއަކީ ސިއްހަތު ރަނގަޅު ކުއްޖެއް ކަމަށް ވެސް ކަރަން އޭނާގެ އިންޓަވިއުގައި ބުނެފައިވެ އެވެ.