ސަންޖޭ ލީލާ ބަންސާލީ ޑައިރެކްޓްކޮށް 2005 ވަނަ އަހަރު ނެރުނު ކާމިޔާބު ފިލްމު "ބްލެކް" އޯޓީޓީ ޕްލެޓްފޯމެއް ކަމަށްވާ ނެޓްފްލިކްސްގައި ރިލީޒް ކޮށްފި އެވެ.

"ބްލެކް" ނެޓްފްލިކްސްގައި ރިލީޒް ކުރެވިފައި މިވަނީ ސިނަމާތަކުގައި އެ ފިލްމު އެޅުވިތާ 19 އަހަރު ފުރުނު މުނާސަބަތާ ގުޅުވައިގެންނެވެ.

ރާނީ މުކަރްޖީއާއި އަމީތާބް ބައްޗަން މުހިއްމު ރޯލުތަކުން ފެނިގެންދާ އެ ފިލްމަކީ ލޯފަން ކުއްޖެއްގެ ހަޔާތުގެ މައްޗަށް ބިނާ ކޮށްފައިވާ ފިލްމެކެވެ.

މިކަން އިއުލާން ކުރަމުން އަމީތާބު ކުރި ޓްވީޓެއްގައި ބުނެފައިވަނީ ބްލެކްއަށް 19 އަހަރު ވެއްޖެ ކަމަށާއި އެހެން ނަމަވެސް މިއަދުވެސް އެ ފިލްމަކީ އާއްމުންނަށް ހިތްވަރު ލިއްބައިދޭ ފިލްމަކަށް ވާނެ ކަމަށް އުއްމީދުކުރާ ކަމަށެވެ.

ބޮކްސް އޮފީހުގައި ބްލެކްއަށް އެވަރެޖް އާމްދަނީއެއް ލިބުނުއިރު އެ އަހަރު ބޭއްވި 51 ވަނަ ފިލްމްފެއާ އެވޯޑްސްގައި އެ ފިލްމަށް ޖުމްލަ 11 އެވޯޑެއް ލިބިފައިވެ އެވެ.