ވިޔަފާރީގެ ވާދަވެރިކަން ދައްކުވައިދޭ ރިއަލިޓީ ޝޯއެއް ކަމަށްވާ ދަ ޝާކް ޓޭންކް އިންޑިއާގެ ތިންވަނަ ސީޒަން ފަށައިގެން ކުރިއަށް އެބަދެ އެވެ.

ސޮނީ ޓީވީއިން ދުރަށް ދައްކާ މި ޝޯއަކީ އިންވެސްޓަރުންގެ ފަރާތުން އިންވެސްޓްމަންޓް ހޯދުމަށްޓަކައި ބައިވެރިން އެކި ކަހަލަ ޚިޔާލުތަކާއި ޕްރޮޕޯސަލްތައް ހުށައަޅާ ޝޯ އެކެވެ.

މިފަހަރުގެ ސީޒަންގައި ޖުމްލަ 12 ޝާކްސް (އިންވެސްޓަރުން) ފެނިގެންދާއިރު ބައިވެރިން ވާދަކުރާނީ އެ އިންވެސްޓަރުންގެ ފަރާތުން ވީހާވެސް ގިނަ އިންވެސްޓްމަންޓް ފައިސާ ހޯދުމަށެވެ.

އެހެން ކަމުން މި ސީޒަންގައި ބައިވެރިންގެ ފަރާތުން އިހުނަށްވުރެ ބޮޑު ވާދަވެރިކަމެއް ފެންނާނެ ކަަމަށް ބެލެވޭއިރު ބެލުންތެރިން ގަޔާވާ ފަދަ ކަންކަން ފެނިގެންދާނެ އެވެ.

ޝާން ޓޭންކް އިންޑިއާއަކީ އިންޑިއާގައި ކުރިއަށްދާ އެހެނިހެން ރިއަލިޓީ ޝޯތަކާ ވަރަށް ތަފާތު ކޮންސެޕްޓަކަށް ތައްޔާރު ކުރެވިފައިވާ ޝޯއަކަށްވާއިރު އާއްމުންގެ ފަރާތުން ބޮޑު ތަރުހީބެއް ވެސް ލިބޭ ޝޯ އެކެވެ.

ޝާކް ޓޭންކް އިންޑިއާ ދުރަށް ދައްކާނީ ކޮންމެ ހަފްތާއެއްގެ ވެސް ހޯމަ ދުވަހުން ބުރާސްފަތި ދުވަހަށް މީޑިއާނެޓްގެ ޗެނަލް 853 އިންނެވެ.