މި ދުވަސްވަރަކީ ބޮލީވުޑްގެ އެކްޓަރުންނަށްވުރެ ބޮޑަށް އެމީހުންގެ ދަރިންގެ ވާހަކަ މީޑިއާގައި ދެކެވެމުން އަންނަ ދުވަސްވަރެކެވެ. ބޮލީވުޑް އާއިލާތަކަށް ނިސްބަތްވާ ކުޑަކުދިންގެ ފޮޓޯތައް ކޮންމެ ދުވަހަކު މީޑިއާގައި ދައުރުވާއިރު އާމިރު ޚާންއާއި ކިރަން ރާއޯގެ ދަރިފުޅު އާޒާދް ޚާން މީޑިއާއަށް ފެންނަނީ ވަރަށް މަދުންނެވެ.

ދާދި ފަހުން މީޑިއާއަށް ދިން އިންޓަވިއުއެއްގައި ކިރަން ބުނީ އާޒާދްއަކީ މީޑިއާއާއި އާއްމުންގެ ސަމާލުކަމަށް އެހާ ޝައުގުވެރިވާ ކުއްޖެއް ނޫން ކަމަށާއި އާޒާދު ބޭނުންވަނީ "ޕްރައިވެޓް" ދިރިއުޅުމެއް ކަމަށެވެ.

ކިރަން އިތުރަށް ބުނީ ޚުދު އޭނާއާއި އާމިރު ވެސް އެހާ ގިނައިން އާއްމު މީޑިއާ އިވެންޓްތަކުން ނުފެންނަނީ ދަރިފުޅު އެކަނިކޮށްފައި ދާން ބޭނުން ނުވާތީ ކަމަށެވެ.

މީޑިއާގެ ސަމާލުކަމަށް ކުދިން ލޯބި ކުރުމަކީ ރަނގަޅު ކަމެއް ކަމަށް ބުނަމުން ކިރަން އިތުރަށް ބުނީ އެކަަމަށް ލޯބިނުކުރާ ކުދިންނަށް ވެސް އިހުތިރާމް ކުރަންޖެހޭ ކަމަށެވެ.

މީޑިއާގެ ސަމާލުކަން ހޯދާފައިވާ ސްޓާ ކިޑްސްގެ ތެރޭގައި ސައިފް- ކަރީނާގެ ތައިމޫރު އަލީ ޚާންއާއި ރަންބީރު - އާލިއާގެ ރަހާ ކަޕޫރްގެ އިތުރުން އަނުޝްކާ - ވިރާޓްގެ ވަމިކާ ހިމެނެ އެވެ.