ބޮލީވުޑްގެ މަޝްހޫރު ތަރި ސަލްމާން ޚާންއަށް މަރުގެ އިންޒާރުދިން މީހަކު މުމްބާއީގެ ފުލުހުން ހައްޔަރުކޮށްފި އެވެ.

ބަންވަރިލާލް ގުރްޖާރް ނަމަކަށް ކިޔާ 25 އަހަރުގެ އެ އެމީހާ ސަލްމާންއަށް މަރުގެ އިންޒާރު ދީފައިވަނީ ޔޫޓިއުބަށް އަޕްލޯޑްކުރި ވީޑިއޯއެއްގަ އެވެ.

އެގޮތުން އޭނާ ބުނެފައިވަނީ ލޮރެންސް ބިޝްނޯއީ ގްރޫޕްގެ މެމްބަރުންނަކީ އޭނާއާ ވަރަށް ގާތުން މަސައްކަތްކުރާ ބައެއް ކަމަށާއި ސަލްމާންއަށް ހައްގު އަދަބު ލިބޭނެ ކަމަށެވެ. މިއީ މި އަހަރުތެރޭގައި އެކަނިވެސް ސަލްމާންއަށް މަރުގެ އިންޒާރު ލިބުނު ތިންވަނަ ފަހަރެވެ. މީގެ ކުރިންވެސް ލޮރެންސް ބިޝްނޯއީއާއި ގޯލްޑީ ބްރާރް ސަލްމާނަށް އިންޒާރުދީފައވެ އެވެ.

މިއީ 90ގެ އަހަރުތަކުގައި ނެރުނު "ހަމް ސާތު ސާތުހޭ" ފިލްމުގެ ތެރެއިން ސަލްމާންއާއި އޭނާގެ ބައިވެރިން ބްލެކްބަކްއެއް މަރާލުމުން އެ މީހުން ހިފާ ބަދަލެކެވެ.

މުމްބާއީގެ ފުލުހުން ހާމަކުރާ ގޮތުގައި ރާޖަސްތާނުން އެ މީހާ ހައްޔަރު ކުރެވުނުއިރު އޭނާގެ ބަންދަން ކޯޓުން ވަނީ މުއްދަތު ޖަހައިދީފަ އެވެ.