ގިނަ ބަޔަކު އިންތިޒާރު ކުރަމުން އަންނަ ބްރެޑް ޕިޓްގެ ކުރިއަށް އޮތް ފޯމިއުލާ ވަން ފިލްމު ސިނަމާތަކުގައި ރިލީޒްކުރާ ދުވަސް އިއުލާން ކޮށްފި އެވެ.

އެގޮތުން ހަބަރުތައް ބުނާ ގޮތުގައި އެ ފިލްމު ބެލުންތެރިންނާ ހަމައަށް އަންނާނީ އަންނަ އަހަރުގެ ޖޫން މަހުގެ ތެރޭގަ އެވެ. އެކަން އެ ފިލްމު އުފައްދާ ޕްރޮޑިއުސަރުން ވަނީ ޔަގީން ކޮށްދީފަ އެވެ. އަދި ރަސްމީކޮށް ނަމެއް ދީފައިނުވާ އެ ފިލްމުގެ މަސައްކަތް މިހާތަނަށް ވެސް ލަސްވެފައިވަނީ ހޮލީވުޑުގެ އެކްޓަރުންނާއި ލިޔުންތެރިން ކުރިއަށް ގެންދިޔަ ހަޅުތާލުގެ ސަބަބުންނެވެ.

މިހާރު އުމުރުން 60 އަހަރުގެ ބްރެޑް އެ ފިލްމުގައި ފެނިގެންދާނީ އެފް1 ކުޅިވަރުގެ ކާމިޔާބު އެތުލީޓެއް ކަމަށްވާ ސޮނީ ހެޔެސްގެ ރޯލުންނެވެ.

މި ފިލްމަށް ތައްޔާރު ވުމުގެ ގޮތުން ބްރެޑް އެފް1ގެ ތަމްރީނުތަކެއް ވެސް ނަގާފައިވާ ކަމަށާއި އަދިވެސް އެކަން ކުރިއަށް އެބައޮތް ކަމަށް ހަބަރުތައް ބުނެ އެވެ.