ބޮލީވުޑްގެ މަޝްހޫރު ދެ ތަރިން ކަމަށްވާ އަރުޖުން ކަޕޫރާއި މަލައިކާ އަރޯރާ ޚާންގެ ލޯބީގެ ގުޅުން ނިމުމަކަށް އައި ކަމަށް ދެކެވޭ ވާހަކަތައް އަނެއްކާ ވެސް މީޑިއާގައި ގަދަވެއްޖެ އެވެ.

މި ފަހަރު އެ އަޑުތައް ގަދަވެފައިވަނީ އަރުޖުންގެ 39 ވަނަ އުފަންދުވަހުގެ މުނާސަބަތުގައި ބޭއްވި ހަފްލާގެ ތެރެއިން މަލައިކާ ނުފެނުމުންނެވެ.

ޖޫން މަހުގެ 26 ވަނަ ދުވަހު ބޭއްވި އެ ހަފްލާގައި ބޮލީވުޑްގެ މަޝްހޫރު ތަރިންތަކެއް ބައިވެރިވި އެވެ. އޭގެ ތެރޭގައި އަދިތުޔާ ރޯއީ ކަޕޫރު، ޖާންވީ ކަޕޫރު އަދި ވަރުން ދަވަން ވެސް ހިމެނެ އެވެ.

އަރުޖުންއާއި މަލައިކާގެ ގުޅުން ނިމުމަކަށް އައިކަމުގެ ހަބަރުތައް މީޑިއާގައި ދެކެވޭތާ ދުވަސްތަކެއް ވެފައިވާއިރު މަލައިކާގެ މެނޭޖަރު ވަނީ އެކަން ދޮގުކޮށްފަ އެވެ. މިކަމުގައި އަރުޖުންގެ ބަހެއް އަދި ލިބިފައެއް ނުވެ އެވެ.

ރިޕޯޓުތައް ބުނާ ގޮތުގައި އަހަރުތަކެއް ވަންދެން ލޯބީގެ ގޮތުން ގުޅިގެން އުޅުމަށްފަހު އެ ދެެތަރިން މިހާރު ވަނީ އިހުތިރާމާއެކު ވަކިވާން ނިންމާފަ އެވެ.