އިސްލާމީ މަރުކަޒުގެ މުންނާރު ކައިރީގައި އޮންނަ މަސްފެންގަނޑު ސްޓެލްކޯއިން މަރާމާތުކޮށް ނިންމައި އިސްލާމިކް މިނިސްޓްރީއާ ހަވާލުކުރުމަށް މިއަދު ރަސްމިއްޔާތެއް ބާއްވައިފި އެވެ.

އިސްލާމިކް މިނިސްޓްރީން މިދިޔަ މަހު މަސްފެންގަނޑު ހެދުމަށް އިއުލާންކުރުމުން، އިސްލާމިކް މިނިސްޓަރުވަނީ އެކަން ހުއްޓާލުމަށް އަންގަވާފަ އެވެ. ސަބަބެއް ކަމަށް ވިދާޅުވީ ރާއްޖޭގެ މާލީ ހާލަތު ދައްވެފައިވާ ދުވަސްވަރަކަށް ވުމުން ކަމަށެވެ.

ނަމަވެސް އޭގެ ފަހުން ކަރަންޓުގެ ހިދުމަތްދޭ ސްޓެލްކޯއިން ވަނީ މުންނާރު ކައިރީގައި މަރާމާތުނުކޮށް ގިނަދުވަސްވެ ބޭނުން ނުކޮށް އޮތް މަސްފެންގަނޑު އަލުން ހަދައި ދިނުމަށް ނިންމާފަ އެވެ. އެކަން ކޮށްފައިވަނީ އެ ކުންފުނީގެ ސީއެސްއާރު ޕްރޮޖެކްޓެއްގެ ގޮތުގައި އެވެ.

އިސްލާމީ މަރުކަޒުގެ މުންނާރު ކައިރީގައި އޮންނަ މަސްފެންގަނޑު މަރާމާތުކުރުމަށް ބޭއްވި ހާއްސަ ރަސްމިއްޔާތު --- ފޮޓޯ: އިސްލާމިކް މިނިސްޓްރީ

އެ ތަން ނިންމައި މިނިސްޓްރީއާ ހަވާލު ކުރުމަށް މިއަދު އެކަމަށްޓަކައި އެ ސަރަހައްދުގައި ވަނީ ހާއްސަ ރަސްމިއްޔާތެއް ބާއްވާފަ އެވެ.

އިސްލާމީ މަރުކަޒުގެ މުންނާރު ކައިރީގައި މަރާމާތުކުރި މަސްފެންގަނޑު --- ފޮޓޯ: އިސްލާމިކް މިނިސްޓްރީ

އެ ރަސްމިއްޔާތުގައި ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ އާއި އެ ކުންފުނިން މަސައްކަތުގައި އުޅުނު މުވައްޒަފުންނާއި އިސްލާމިކް މިނިސްޓަރު މުހައްމަދު ޝަހީމް އަލީ ސައީދާއި އެ މިނިސްޓްރީގެ ބޭފުޅުން ބައިވެރިވެބވަޑައިގެންނެވި އެވެ.