އިޒްރޭލުން ރާއްޖެއަށް ދަތުރުކުރާ ފަރާތްތަކަށް ނެރެފައިވާ ޓްރެވަލް އެޑްވައިޒަރީ ލެވަލް ދެއަކުން ތިނަކަށް މަތިކޮށްފި އެވެ.

އިޒްރޭލުން ރާއްޖެއަށް ތަދުރު ކުރުމުގައި ސަމާލުވުމަށް އެދި ފުރަތަަމަ އެޑްވައިޒަރީ ނެރެފައިވަނީ މިދިޔަ ޖޫން މަހުގެ ތެރޭގައި ސަރުކާރުން އިޒްރޭލު މީހުންގެ ޕާސްޕޯޓް މަނާކުރުމަށް ނިންމާފައިވާކަން އިއުލާން ކުރުމާއި ގުޅިގެންނެވެ.

އެ އެޑްވައަިޒަރީގެ ލެވަލް މަތިކޮށް އެ ގައުމުގެ ނޭޝަނަލް ސެކިއުރިޓީ ކައުންސިލް (އެންއެސްސީ) އިން އާދީއްތަ ދުވަހު އިޢުލާންކުރި ގޮތުގައި އިޒްރޭލު މީހުނަށް ޓެރަރިސްޓް ޖަމާއަތްތަކުން ކުރިމަތިވެދާނެ ނުރައްކާތައް ދެނެގަތުމަށް ކުރެވެމުންދާ މަސައްކަތުގެ ތެރެއިން، ތިން ޤައުމެއްގައި ހުރި ނުރައްކަލުގެ މިންވަރު އަޕްޑޭޓްކޮށްފައިވާ ކަމަށް ބުނެފައިވެ އެވެ.

އޭގެ ތެރޭގައި ހިމެނެނީ ރާއްޖެ، އަރްމީނިއާ އަދި ބްރެޒިލް އެވެ.

ބްރެޒިލްއަށް ދަތުރުކުރާ ފަރާތްތަކަށް ނެރެފައިވާ އެޑްވައިޒަރީގެ ލެވަލް ދައްކުރި އިރު އަރްމީނިއާގެ ލެވަލް ވަނީ މަތިކޮށްފަ އެވެ.

"ދިވެހިރާއްޖެ ލެވެލް 2 އިން ލެވެލް 3 އަށް، މެދުމިނުގެ ނުރައްކަލަކަށް" ބަދަލުކޮށްފައިވާ ކަމަށްވެސް އެ އެޑްވައިޒަރީގައި ބުނެފައިވެ އެވެ.

އިޒްރޭލުން ފަލަސްތީނުގައި ހިންގަމުންދާ ގަތުލުއާއްމުގައި ގިނަ އަދަދެއްގެ މުސްލިމުން ޝަހީދުކުރަމުންދާތީ ރާއްޖެއިން ދަނީ އެކަމާއި ދެކޮޅަށް ވަކާލާތުކޮށް އަޑު އުފުލަމުންނެވެ.