ދައުލަތުގެ އައިޓީ އިންފްރާސްޓްރަކްޗާ ގާއިމްކޮށް، މައުލޫމާތު ރައްކާކޮށް ބަލަހައްޓާ އިދާރާ ނޭޝަނަލް ސެންޓާ ފޯ އިންފޮމޭޝަން ޓެކްނޮލޮޖީ (އެންސީއައިޓީ) ގެ ރަސްމީ އެކްސް އެކައުންޓު ހެކްކޮށްފި އެވެ.

އެންސީއައިޓީގެ އެކައުންޓު ހެކުކޮށްފައިވަނީ ރޭގެ ވަގުތެއްގަ އެވެ.

އެންސީއައިޓީގެ އެކްސް އެކައުންޓް ހެކްކޮށް ނަމާއި ލޯގޯ ބަދަލުކޮށްފައި

އެ އެކައުންޓް ހެކްކޮށް މިހާރު ވަނީ އެކައުންޓްގެ ފޮޓޯއާއި ނަން ބަދަލުކޮށްފަ އެވެ. އެކައުންޓުން މިހާރު ދަނީ ބިޓްކޮއިން ޓްރޭޑިން އާ ގުޅޭ ޕޯސްޓުތަކެއް ކުރަމުންނެވެ.

މިކަމާއި ގުޅިގެން އެންސީއަޓީން މިހާތަނަށް އެއްވެސް އެއްޗެއް ބުނެފައިނުވެ އެވެ.

ހޯމް ލޭންޑް މިނިސްޓްރީގެ ދަށުން ހިންގަމުން އަންނަ އެންސީއަޓީގެ އެކައުންޓް ހެކު ކުރުމާއި ގުޅިގެން ބައެއް ފަރާތްތަކުން އަންނަނީ ކަންބޮޑުވުން ފާޅުކުރަމުންނެވެ.

އެންސީއައިޓީގެ އެކްސް އެކައުންޓް ހެކްކޮށް ނަމާއި ލޯގޯ ބަދަލުކުރިނަމަވެސް ކުރީގެ އެންސީއައިޓީގެ ޕޯސްޓްތައް އަދިވެސް ފެންނަން އެބަހުރި

ސައިބާ ސެކިއުރިޓީއާއި ބެހޭގޮތުން އާއްމުން ހޭލުންތެރިކޮށް ދައުލަތުގެ މައުލޫމާތު ރައްކާތެރިކަމާއެކު ބެލެހެއްޓުމުގެ ޒިންމާ އަދާކުރާ އިދާރާގައި ރައްކާތެރިކަމުގެ ފިޔަވަޅު އެޅިފައިނެތުމުން ވަނީ މީހުންގެ ފާޑުކިޔުން އަމާޒުވެފަ އެވެ.